Outback Steakhouse (MOKO新世紀廣場)

營業中

休息中

每隔一段時間就會掛住佢嘅黑糖包，所以搵咗旺角呢間分店再食過。個人嚟講，真係好鍾意食佢個黑糖麵包，要熱辣辣至好食，仲可以添食跟住每間都會食嘅係炸蘑菇，不過呢間都算食過最唔得嘅一間，水水哋又唔鬆脆，失望再嚟一個牛油果蟹肉薄脆，個薄脆下面嗰啲係好碎，脆係仲脆嘅。個牛油果蟹肉食落口感同味道叫做還可以。飲品方面，青瓜薄荷沙冰，熱辣辣嘅夏天飲係比較清涼。另一杯西柚汁，唔係開水嘅西柚汁，都幾開胃如果要再食outback，我都唔會再選擇呢間分店。除咗個黑糖包，其他同其他舖相比係比較遜色。