影片
更多
2017-03-20
250 瀏覽
同朋友傾計嘅時候知道觀塘有間私房菜味道唔錯，只要俾個Budget佢，就會幫你安排好餐單，最啱我地啲有選擇困難証嘅人喇。只要預先致電餐廳訂位，就唔洗再用腦諗菜式，安排完唔啱？當然你亦可以更改菜式。夜晚我哋一行四人上到，待應就即時俾菜單我地再睇多次，等無問題就準備起菜，好快手唔使捱餓等食。開餐啦……先嚟過香芒沙拉大蝦球，裡面有炸蝦同雜果沙津。食落酸酸甜甜，夠晒醒胃，炸蝦仲有片芒果相伴，味道好夾。第二味係蒜蓉蒸蟶子，蟶子夠大夠鮮甜，仲好彈牙添！第三味係大肉蟹，可以自己揀點整，因我哋怕辣，所以揀咗疆葱炒大肉蟹。肉蟹真係好大隻，味道好香，不過火喉好似差少少，再熱啲就更好喇！第四味係白胡椒爆炒鮑魚，鲍魚好新鮮好彈牙，非常有口感！胡椒味香而不辣，配搭好有新鮮感。唔使次次例牌清蒸咁單調，我最欣賞就是呢味喇！第五味係生煎東星斑，一開始聽到覺得好似有啲浪費。東星斑唔係蒸會滑啲咩？不過試完之後，竟然意想不到咁好食！魚嘅外皮又香又脆，魚肉就依然嫩滑，好特別！第六味係百花雞，每件雞都饟咗蝦膠，蝦味不過不失，而雞肉都幾嫩滑，如果蝦膠再厚啲彈牙啲就更加正！第七味係上湯浸時菜，我哋揀咗西蘭花。有啲雜菇相伴，睇到啲西蘭
開餐啦……先嚟過香芒沙拉大蝦球，裡面有炸蝦同雜果沙津。食落酸酸甜甜，夠晒醒胃，炸蝦仲有片芒果相伴，味道好夾。
第二味係蒜蓉蒸蟶子，蟶子夠大夠鮮甜，仲好彈牙添！
第三味係大肉蟹，可以自己揀點整，因我哋怕辣，所以揀咗疆葱炒大肉蟹。肉蟹真係好大隻，味道好香，不過火喉好似差少少，再熱啲就更好喇！
第四味係白胡椒爆炒鮑魚，鲍魚好新鮮好彈牙，非常有口感！胡椒味香而不辣，配搭好有新鮮感。唔使次次例牌清蒸咁單調，我最欣賞就是呢味喇！
第五味係生煎東星斑，一開始聽到覺得好似有啲浪費。東星斑唔係蒸會滑啲咩？不過試完之後，竟然意想不到咁好食！魚嘅外皮又香又脆，魚肉就依然嫩滑，好特別！
第六味係百花雞，每件雞都饟咗蝦膠，蝦味不過不失，而雞肉都幾嫩滑，如果蝦膠再厚啲彈牙啲就更加正！
第七味係上湯浸時菜，我哋揀咗西蘭花。有啲雜菇相伴，睇到啲西蘭花咁翠綠就知無過火喇，望落已經覺得好爽脆，連埋啲上湯齊食，口感夠爽味道又夠清甜。
其實都已經飽飽地，不過見到最後一味御膳炒飯，睇到粒粒分明嘅飯粒，炒埋啲帶子，瓜粒，肉粒落去。炒得唔錯咁喎！繼續食埋先，果然唔錯！一點都唔腻，又幾香口，所以都食晒一碗，哈哈！
嘩！重有甜品添，甜品係雲尼拿奶凍，睇落冇乜特別，但食落又香又滑，唔會太甜，仲有少少椰汁味添，都幾啱我口味～
食飽飽啦！大家都好滿意，果然無介绍錯，因好多地方食中菜都會煮到又油又鹹，調味過重，食完之後會好口乾。但依間餐廳就唔會喇，覺得好健康。有機會都會再嚟試下其他菜式！
張貼
