泰鳩

營業中

休息中

適逢年廿八同班friend八點幾去食，年廿八呢個時段忙着收爐想快啲收工我理解，但係事前Booking咗你啲餐具都可以比唔齊。六個人去食得三隻匙羹，其中一道餸嗌咗個炒飯，冇匙羹叫你啲員工比，你俾隻湯羹我做乜春？重要用好肯定嘅語氣同我講係匙羹，可唔可以教吓我點樣用湯羹食飯。嗌咗個冬陰功湯碗又冇，乜都自己搞，完全冇招呼。更加唔好提食物質素只係可以講係過得去，六個人人均都食咗二百幾蚊，冇咩邊道餸稱得上好食，慢煮牛肋骨老到好似牛肉乾咁，炒飯炒河都冇咩味道。總括嚟講未算真係好差，但真係冇咩特別，價錢都唔平，食完一次就算。