影片
更多
2020-07-30
530 瀏覽
從來唔寫食評，但呢間餐廳差到一定要公開比大家知。自稱"經理"既店員面目猙獰，呼喝食客，惡劣態度令人嘩然，完全唔係做生意！！大家千萬不要幫襯！店鋪集團投訴無門，希望負責人見到呢個post亦會跟進！由於店鋪位置係屋企附近，開業以黎食過五六次，食物普普通通，都係普通日式定食/丼物。味道冇特別但價錢算平同商場位置就腳。 疫情後店鋪推出左印花卡，食完幾次見有得換coupon, 於是就諗住買外賣順便用左佢。疫情爆發第三波，餐廳禁晚市堂食只能外賣。去到店鋪門口個counter, 企左成分鐘都冇人出黎，嗌入去"唔該叫外賣", 等左十幾秒終於有個黑口黑面既員工行出黎。我出示張印花卡話想換coupon, 個店員黑住面咁話"換完今日冇得即刻用架喎"! 我係冇睇張卡背面d terms 既，純粹好奇點解咁低能換coupon 個日唔可以即刻用，都唔make sense. ok唔緊要，咁唯有換左先下次再用，但我就講左句"上次儲滿印花個陣問過你個同事點換佢冇講既？" 個店員好似燥狂症發作咁用呼喝tone 讀哂張卡後面d terms 出黎，我呆左。 用唔到咪用唔到囉，諗住快快趣換左張coupon 就走下次先食啦，我話"
由於店鋪位置係屋企附近，開業以黎食過五六次，食物普普通通，都係普通日式定食/丼物。味道冇特別但價錢算平同商場位置就腳。 疫情後店鋪推出左印花卡，食完幾次見有得換coupon, 於是就諗住買外賣順便用左佢。
疫情爆發第三波，餐廳禁晚市堂食只能外賣。去到店鋪門口個counter, 企左成分鐘都冇人出黎，嗌入去"唔該叫外賣", 等左十幾秒終於有個黑口黑面既員工行出黎。我出示張印花卡話想換coupon, 個店員黑住面咁話"換完今日冇得即刻用架喎"! 我係冇睇張卡背面d terms 既，純粹好奇點解咁低能換coupon 個日唔可以即刻用，都唔make sense. ok唔緊要，咁唯有換左先下次再用，但我就講左句"上次儲滿印花個陣問過你個同事點換佢冇講既？" 個店員好似燥狂症發作咁用呼喝tone 讀哂張卡後面d terms 出黎，我呆左。 用唔到咪用唔到囉，諗住快快趣換左張coupon 就走下次先食啦，我話"得喇，唔用喇。你淨係換張coupon 比我就得". 店員失控咁仲要繼續不停讀，之後非常唔冷靜既佢仲大嗌叫我冷靜d *O* 個樣好似殺佢全家咁，其實我黎買個外賣啫。 我同佢講你好冇禮貌，問佢叫咩名，佢竟然質問返我"你叫咩名呀！我問你呀！" 全香港應該唔會有間食店咁樣對待一個疫情期間專登黎幫襯買外賣既客人。後來個店員仲自稱係經理，真係不得了。
呢間餐廳開店不久，同集團旗下有幾間餐廳，叫麵屋豚豚拍子同辛味屋，但網上search 竟然完全冇集團餐廳聯絡資料，事後打左去另一間分店同佢投訴呢位"經理", 問佢地公司有冇聯絡方法可以投訴，好好笑佢答公司暫時冇呢個機制，有投訴都係轉介返比個間分店經理，簡單d 即係投訴無門，唔怪得咁既態度。疫情令食肆生意慘淡，仲要請著個咁既員工真係倒米！間公司唔接受投訴就算，但絕對要係度公開個位店員既瘋狂行為比大家知！ 做左幾十年人去餐廳幫襯比人咁對待都係第一次！！ 重此blacklist!!無下次
張貼