豚豚食堂

今晚好想食d平靚正既日式嘢，就搵到呢度同朋友黎食個dinner吹下水。見到個餐牌就有選擇困難症，揀左好一陣先決定到食咩好：1）豚肉壽喜燒鍋定食 （另加烏冬） 看似係一人火鍋，但係材料超豐富，有好多娃娃菜、甘筍片、金菇、同埋好多塊薄切豚肉。兩個朋友一齊share個份量啱啱好，咁就可以一齊試多幾樣嘢。另加咗一個烏冬，上碟嘅時候本身烏冬已經初步煮熟咗，所以我哋只係需要回鍋煮一煮就即刻可以熄火食得，好方便。呢個迷你火鍋好適合一啲一坐低就好肚餓要食嘢嘅人，因為啲豚肉切得好薄，所以好快熟，烏冬又預先幫你煮熟咗，所以只需加熱就食得。2） 滑蛋鰻魚丼呢個喺新品餐牌入面嘅，所以想貪新鮮試吓啲新嘢。平時食滑蛋吉列豬扒丼、照燒雞扒丼就食得多，呢個滑蛋鰻魚丼都真係好少見，食嘅時候鰻魚又唔係好多骨，同埋滑蛋一齊食，就覺得份外滑溜，加埋啲鰻魚汁豉油撈飯食，非常好送飯。3）炒魷魚鬚條條魷魚鬚都炒得好爽脆，只係用咗少少鹽調味去炒，就調出魷魚鬚嘅鮮味，用嚟送烏冬、送飯都非常好。4）芝士雞翼雖然個芝士雞翼冇想像中有拉絲嘅感覺，但係佢個外皮炸得金黃外脆，入邊嘅雞肉就啱啱熟透，又冇骨，啖啖肉，好食！呢度係用二維碼落單嘅，超方便，落完單，冇幾耐就有嘢食啦，所以效率係超快嘅。一坐低就有兩杯熱茶奉上，需要啲咩額外餐具，同侍應講就會好快比到我哋，所以服務係幾好嘅，以咁平民價錢嘅餐廳嚟講。…查看更多

餐廳： 豚豚食堂地點：北角匯二期菜式：日式食堂餐牌：定食便當、丼、咖哩飯、拉麵、小吃、烏冬鍋物、燒物、炸物、一品料理、意粉沙律、飲品，都有套餐叫左個$75午市自選拉麵套餐，拉麵8選1加小食12選1。白豚拉麵 白豚拉麵 唔洗加錢。熱辣辣拉麵湯底果然係奶白色，味道帶香濃豬味，好好飲。拉麵幼身彈牙有蛋香，好味。叉燒有三片，厚切淡淡肉，都好嫩。配有扁筍同黑木耳絲加添口感。面頭灑上蔥花調味。燒多春魚 燒多春魚一客三條，配檸檬角。燒得皮脆肉嫩，魚春豐富。另外加個輕盈套餐。白豚拉麵（輕盈）配咖哩飯（小）$68 另加一輕盈白豚拉麵就只係細少少，叉燒少一片，其他份量好似少好少。呢個餐可以試到兩樣野，都唔錯。咖哩飯用碟上，大概半碗白飯配牛肉粒，薯仔粒同紅蘿蔔粒，咖哩汁豐富。自己係主餐牌加個串燒。燒雞軟骨 $38 另加一燒雞軟骨一客三串，配有檸檬角。燒得好脆皮，唔會過鹹。今餐拉麵的確唔錯。餐廳裝修不俗，座位舒適。三點會有下午茶餐添。…查看更多

從來都唔會特別留言但餃子係我食過最難食嘅餃子唔好對佢嘅餃子有任何期望因為真係好唔夾唔知啲餃子係來貨還是自家製但真係好有改善空間入面啲菜同肉一食就感覺放咗好耐發酵感覺一下子衝出來咬開一半都要即刻放低先都唔知係中式還是日式餃子配拉麵感覺又唔係好夾白豚拉麵啲豚肉柴口一咬開啲肉就感覺乾淨淨好似啲冇水分既肉乾浪費咗豚肉本身咁容易做嘅材料店員都係冇期望冇失望整體都差改善空間極大如果隔離唔係要等位應該都唔會嚟食…查看更多

🥢 近排喺北角發掘咗間抵食又好味嘅日式食堂 豚豚食堂！佢哋嘅自選一人套餐真心好抵食，選擇又多，啱晒想一次過試多幾款嘢食嘅朋友仔！🥰今次就試咗兩個唔同嘅套餐，款款都咁有驚喜：🍽️ 豬肉咖哩飯 配 吉列流心蛋豬肉餅：咖哩味道濃郁，豬肉夠晒入味。個吉列流心蛋豬肉餅一切開，蛋汁就慢慢流出嚟，金黃誘人，外脆內軟嘅口感真係冇得輸！超級邪惡但又好食到停唔到口！🤤🍜 雜錦拉麵 配 串燒雞軟骨 同 凍蜜桃茶：雜錦拉麵配料豐富，湯底夠晒濃郁。串燒雞軟骨燒得剛剛好，脆卜卜又帶點焦香，佐拉麵一流！最後飲杯凍蜜桃茶，清甜解膩，完美！🍑🍰 另外仲叫咗件 朱古力蛋糕 做甜品，為呢餐畫上完美句號。成餐飯CP值爆燈，份量十足又好食，絕對係午餐或晚餐嘅好選擇！💯…查看更多

呢排無假去唔到日本🎎🎎，惟有食下日本嘢解一解鄉愁! 放工嚟到北角匯，見到有間日式餐廳，選擇多而且價錢親民，仲要見到一大班日本遊客幫襯，咁當然要去試試。 我地叫左個二人套餐，有2款主食，三款小食。主食我地揀左白豚拉面🐽🐽🍜🍜同埋滑蛋豬扒丼🐷🐷🍛🍛。白豚拉面份量啱啱好，最重要佢唔似日本正宗拉面嗰種又濃又咸又油膩嘅味道，我覺得更啱香港人比較健康嘅口味。面係幼面，似一蘭，仲有啲木耳同筍絲作為配菜。😋😋豚肉大大塊，但唔會好厚，食落唔痴牙，唔錯! 至於滑蛋豬扒丼份量相當足夠，大大塊嘅吉列豬排，又酥又脆，加上澆上甜甜地燒汁嘅滑蛋🥚🥚，食完相當滿足!😍😍小食我地叫左自家製餃子，餃子🥟🥟真係唔似預製，餡料好飽滿，唔會用太多肥肉，我覺得好食!而天婦羅魷魚係好典型嘅下酒佳品，酥脆嘅脆皮包住魷魚，好香口但唔會油膩，一上枱就俾個fd食左大半，真係好吸引! 芝士雞翼🍗🍗就不過不失，芝士味唔算好突出，鍾意食雞翼嘅朋友仔可以試試!最驚喜係叫二人套餐，送一件蛋糕🍰🍰，我地揀左梳乎厘芝士蛋糕，估唔到佢嘅蛋糕同樣出色，蛋糕芝士味濃，綿綿軟軟，真係想俾錢再order多一件!😘😘😘侍應貼心服務好，食物質素好又抵食，難怪星期一晚都唔少食客!😌😌…查看更多

每次路過這裏都會看到這間食肆，今晚便專程來到，品嚐日式料理。店內裝修簡樸，帶點日本色彩。豚肉壽喜燒鍋定食+烏冬 +$5+ 可樂 +$11+金菇 +$12，合共$108。豚肉壽喜燒鍋定食，豚肉肥瘦適中，只需等待壽喜燒滾起之後，便可以吃到肉汁分豐富的豚肉片。壽喜燒醬汁帶點微甜，令到鍋內的蔬菜吸收了醬油的鮮甜味道，層次感更豐富。烏冬放在壽喜燒內，等待顏色改變之後，便可吃到爽口彈牙的烏冬了。金菇放在壽喜燒內，吸收了壽喜燒汁之後，煙煙韌韌，非常健康。自選一人套餐+牛肉丼+芝麻沙律+熱情果梳打特飲 +$15+梳乎厘芝士蛋糕 +$14，合共$ 124。牛肉丼的牛肉份量十足，肉質軟硬適中，混合醬汁和米飯一起吃，非常有飽肚的滿足感。芝麻沙律有豐富的粟米，混和酸酸甜甜的醬汁，作為前菜非常合適。熱情果梳打，酸甜程度適中，是吃牛肉當的最佳伴侶。梳乎厘芝士蛋糕🍰，鬆軟可口，甜度適中。…查看更多

上Openrice睇下北角匯有咩嘢食, 發現呢間 "豚豚食堂" 嘅二人餐好抵食🤩, 坐低之後仲發現惠顧二人套餐, 可以免費獲贈一件梳乎厘芝士蛋糕 或 朱古力蛋糕🥳🥳自選二人套餐 $242自選兩款主食, 包括拉麵🍜、丼飯🍲、咖哩飯🍛, 再自選三款小食, 小食款式好多🤗👍🥔豚軟骨拉麵🍜拉麵彈牙, 豬軟骨煮得又淋又入味🥔豬肉丼豬肉軟嫩, 豬肉份量超多😍, 食極都食唔完😆🥔雜錦串燒有鹽燒雞翼、雞軟骨、燒大蔥, 雞翼同雞軟骨都值得稱讚🥔自家製餃子🥟隻隻都脹卜卜, 好飽滿, 煎咗更香口😋🥔梳乎厘芝士蛋🍰蛋糕軟棉🤤, 唔使錢, 真係超值👍😚…查看更多

在5月22日下午，港鐵將軍澳線因電力故障停駛，正值放工高峰，導致許多人不得不尋找替代交通工具。身處北角的我看到排隊等巴士的人潮不斷，等了整整一個小時卻依然無法上車，最終決定先去填飽肚子。我隨意選擇了北角匯的豚豚屋，點了一碗咖喱牛肉烏冬。烏冬面條口感滑嫩彈口，吸收了濃郁的咖喱湯汁，咖喱的湯料濃厚，可是稍為鹹了些配搭了適量的甘筍和洋蔥晚上八時左右餐廳人流不算很多環境極度明亮、潔淨讓我緩解了因等待巴士而產生的疲憊吃後人流已經漸漸散去最後趕上了巴士回家去了…查看更多

北角日式食堂推介👍1. 吉列豬扒奄列咖哩飯套餐 $75份量十足 豬扒十分香脆 有大概8大塊 豬肉都易咬開 唔會太乾 個蛋薄薄地 但十分足夠慢慢逐啲撈飯 每一啖都有蛋 咖喱汁同飯 唔辣嘅日式咖喱 送飯一流2. 豚軟骨拉麵 $88豚骨湯式湯郁 飲落幾smooth 豬軟骨味道比較清 都幾易咬開 麵底偏幼 軟硬適中 幾掛湯 簡單舒服嘅味道3. 北海道南瓜炸薯餅 $52炸得十分香脆 外皮酥脆 內裡十分足南瓜餡 唔錯📍豚豚食堂 北角渣華道123號北角匯二期1樓120號舖…查看更多

豬/牛肉壽喜燒晚餐肉類係火鍋上面，朋友仔唔食牛，就叫咗個豬。下邊配菜有豆腐，菇類，娃娃菜，蘿蔔等等，湯底煲到最後都唔會過甜，套餐亦可以加錢配烏冬，啱晒唔鍾意食飯嘅我，烏冬係有咬口嘅質感，QQ地幾好食。肉類唔夠嘅仲可以加錢再添加肉類。串燒拼盤呢個真係要趁熱食，全部都燒到金黃色，有兩隻雞翼同埋兩串雞軟骨，有驚喜既，個雞翼皮脆嫁👍餐廳環境都幾好，又有卡位坐得幾舒服，有不同套餐選擇，喺港島區好性價比之選。…查看更多

唔想煮飯，但又想食日式咖喱🍛，所以試下呢間豚豚食堂～座位都算闊落～揀了性價比最高的自選二人套餐，整體體驗非常滿意！✅ 吉列豬扒奄列咖哩飯咖哩醬香濃，豬扒酥脆，奄列軟滑，口感豐富，仲有紅色蘿蔔喺旁邊俾你自己配送。✅ 黑豚拉麵（加溏心蛋）湯底濃郁，黑豚肉質鮮嫩，加上溏心蛋，帶來更多層次的風味。✅ 雜錦串燒大蔥的清甜、雞翼的鮮嫩及雞軟骨的脆口，味道均衡，非常過癮。✅ 自家製餃子（6隻）餃子皮薄餡多，肉餡鮮美，搭配醬油，簡直是絕配。✅ 炸雞肉（4塊）外脆內嫩，香料味十足，口感彈牙！✅ 朱古力蛋糕甜度適中，巧克力味濃郁，完美作為餐後甜品。總評這個套餐份量十足，性價比高，適合與家人朋友享用，值得推薦！…查看更多

今日去了北角𣿬附近開會，會議結束己六時多，順便係北角𣾀搵間餐廳醫肚，不用回家又煮又洗，方便得多。被呢間餐廳門前餐牌吸引到，款式多選擇，價錢又合理。牛肉丼滿滿牛肉和洋蔥舖滿飯面，大滿足！牛肉調味恰到好處，惹味十足。肉質軟熟。牛肉汁滲入了飯粒內，濕潤好吃。炸廣島蠔外脆內軟，勁邪惡！蠔隻細小但蠔膏飽滿，充滿鮮甜香。疏乎厘芝士蛋糕淡淡嘅芝士香，不會太過甜膩。凍奶茶可媲美茶餐廳奶茶，又香又滑，茶味濃厚。…查看更多

原來諗住叫個牛肉壽喜燒定食，但餐牌寫住5:00先有，無寫清左係5:00前定5:00後。最後叫左午市套餐，一個雞扒烏冬（$68）一個咖哩滑蛋炸豬扒飯（$53），雞扒嘅雞皮好脆，但淡而無味，要自己加七味粉去調味。咖哩味道勁似即食咖哩包煮熟嘅嗰隻，炸豬排外面好脆，但啲豬排肉質好乾。仲要熱飲要加$5，凍飲加$8，呢個價錢咁嘅質素非常不合理，服務態度一般，仲要收加一。下次一定唔會再食，講真差唔多價錢，沙嗲王個咖哩滑蛋炸豬扒飯，好食過呢間多多聲。…查看更多

今日行北角見肚餓整返個下午茶先🤪環境佈滿櫻花樹，置身於日本之中，打卡一流。朋友要午市套餐黑豚🐷拉麵美$80芝麻油則會帶來濃郁的香氣😋,黑豚肉🐽脂肪含量適中,肉質細嫩😍再配細叉燒炒飯,非常滿足而我叫個下午茶咖哩吉列豬扒🐷飯$56酥脆的豬扒配上香濃的🍛咖哩醬搭配熱騰騰的飯,實在是令人食指大動,不僅口感豐富，而且味道層次分明👍🏻平價好味之選～～豚豚食堂渣華道123號北角匯二期1樓120號舖…查看更多

平價日式餐廳，豐富抵食二人餐，包兩個主食加三款小食，都係總共$242，性價比非常高。滑蛋豬扒丼豬扒外脆內嫩，搭配順滑蛋液，散發出濃郁香氣。豚軟骨拉麵湯頭濃郁，軟骨煮得恰到好處，肉質軟嫩，一咬即溶。吉列蝦外層酥脆，蝦肉彈牙。芝士年糕芝士夠拉絲，濃郁芝士味道加上年糕的Q彈口感配合完美。燒牛舌牛舌入味，肉質鮮嫩，份量不少。平民小店，值得推薦！#北角 #北角美食 #日式餐廳 #日式料理 #高性價比 #foodie #foodiehk…查看更多