蠔灣 (水星街)

營業中

休息中

呢一間位於天后嘅餐廳專食生蠔。生蠔款式有成二十幾款咁多，眼花撩亂！賣相非常吸引的海鮮拼盤，一上枱已令人垂涎三尺🤤店員好細心地講解生蠔的品種和品嚐的次序，基本上味道是由淡至濃的一個食法。全部生蠔都是即叫即開，好新鮮。左起分別係法國、智利同埋南非生蠔。法國生蠔味道最鮮甜，而且口感creamy；智利生蠔嘅海水味較濃，味道較腥。南非生蠔細細隻但亦十分鮮甜味美。地中海紅蝦肉質彈牙而且味道好鮮甜。北海道赤貝、車厘蜆同埋刺身級帶子同樣係非常新鮮。韓國海膽一板配埋紫菜一齊食，海膽肉質細滑入口即溶，正！黑松露醬烤黑豚肉， 黑豚肉肥瘦參半，咬落有有質感。黑松露醬同豬肉味道好夾，配埋一齊食更能突出豬肉嘅香味。松露龍蝦卡邦尼意粉係水準之作。用料不吝嗇，成碟意粉都有大大粒嘅龍蝦肉，而且係即叫即拆拆完即煮，食得出龍蝦非常新鮮。意粉嘅調味做得恰當好處，啖啖都係香濃嘅忌廉味。