影片
更多
2021-11-21
304 瀏覽
最近真係肉骨茶鋪癮勁大🤩聽聞蘇媽蘇媽嘅肉骨茶個個都大讚。於是早前收工之後就相約友人去到位於旺角上海街既分店食晚飯。由於我哋係平日晚上, 未到7點，唔洗等位直接有位坐。地方闊落整潔，餐廳裝飾極具特色，牆上亦畫上壁畫，賞心悅目，令人更期待食物。是晚我地唔算好肚餓，主要都係為左肉骨茶，於是淨係嗌左幾樣食野。豬肚肉骨茶（$52）🐽唔好睇佢份量好似好少咁，都有十零件ga，豬肚夠晒軟淋，吸曬肉骨茶嘅香味，我哋仲另外嗌咗一份油炸鬼配黎食，十分滿足。餐廳你落完order之後，會每人先奉上一碗肉骨茶，而且飲完可以任fill !! 蘇媽蘇媽嘅肉骨茶偏重味，無乜蒜味，但枱面有蒜蓉&辣椒提供，有需要可以自己加落湯度。我一既飲左3碗飲完個人暖笠笠。😚砂煲老鼠粉 （$88）🐁銀針粉分量十分多， 有魚乾、蝦乾、肉碎、豬油渣、蔥、乾蒜再加每桌必有的蒜蓉更惹味，用砂煲上菜更加帶有一種焦香味，同埋保持住熱辣辣。面層有一粒生雞蛋🥚，所以記得襯熱攪勻佢先食呀！椰香咖央多士（$32）🍞一份4件，多士烘到金黃色，外脆內軟！裡面夾左微甜嘅綠色咖央醬同牛油，口感厚滑，雖然真係好邪惡，但真係忍唔住口，令人一啖接一啖呀！侍應上菜時亦有提
聽聞蘇媽蘇媽嘅肉骨茶個個都大讚。於是早前收工之後就相約友人去到位於旺角上海街既分店食晚飯。
由於我哋係平日晚上, 未到7點，唔洗等位直接有位坐。地方闊落整潔，餐廳裝飾極具特色，牆上亦畫上壁畫，賞心悅目，令人更期待食物。是晚我地唔算好肚餓，主要都係為左肉骨茶，於是淨係嗌左幾樣食野。
豬肚肉骨茶（$52）🐽
唔好睇佢份量好似好少咁，都有十零件ga，豬肚夠晒軟淋，吸曬肉骨茶嘅香味，我哋仲另外嗌咗一份油炸鬼配黎食，十分滿足。餐廳你落完order之後，會每人先奉上一碗肉骨茶，而且飲完可以任fill !! 蘇媽蘇媽嘅肉骨茶偏重味，無乜蒜味，但枱面有蒜蓉&辣椒提供，有需要可以自己加落湯度。我一既飲左3碗飲完個人暖笠笠。😚
砂煲老鼠粉 （$88）🐁
銀針粉分量十分多， 有魚乾、蝦乾、肉碎、豬油渣、蔥、乾蒜再加每桌必有的蒜蓉更惹味，用砂煲上菜更加帶有一種焦香味，同埋保持住熱辣辣。面層有一粒生雞蛋🥚，所以記得襯熱攪勻佢先食呀！
椰香咖央多士（$32）🍞
一份4件，多士烘到金黃色，外脆內軟！裡面夾左微甜嘅綠色咖央醬同牛油，口感厚滑，雖然真係好邪惡，但真係忍唔住口，令人一啖接一啖呀！侍應上菜時亦有提醒我地記得趁熱食，十分貼心。🌹
至於飲品🥤，我個人覺得唔好飲，好淡，所以不予置評啦😛
張貼
