Pulau

營業中

休息中

黎到中環唔知食咩就行左去中環街市睇下，地下有好多餐廳，朋友見到想到新加坡菜就話想食。半熟蛋配咖吔多士咖吔味道香甜濃郁，多士烘到外脆內軟，我中意加埋半熟蛋一齊食，蛋味香濃又可以中和甜度。參峇醬燒豬頸肉豬頸肉肉質爽脆可口，用左參峇醬更惹味。手打櫻花蝦餅蝦餅爽口彈牙，煎到外脆內多汁。娘惹茶燻鴨配油飯及蘇東魚丸雞湯茶燻鴨啖啖肉，外皮油脂香濃，食落咸咸地肉質嫩滑，雞油飯好香。蘇東魚丸雞湯湯底鮮甜，魚丸彈牙。