KATANA by SAKEH (已結業)

居酒屋門面好大間，都好容易揾到餐廳！而一入去就見到有一整排酒放在入面，雖然我唔飲酒但感覺都好壯觀。坐位都好闊落，坐得都幾舒適下，加上裝修都偏日式風格，整體都好舒適！食物方面，就介紹下我覺得好食嘅單點食物。首先，金磚豆腐，外皮唔會好厚重同乾再加上有醬汁係面到，豆腐都幾滑！再者，鰻魚脆脆，鰻魚係炸到一條條，外皮係一粒粒脆脆，鰻魚冇骨。此外，免治牛肉棒，牛肉棒配上蛋黃醬汁好夾！最後，季節甜品係雪糕糯米糍，都不錯。