一汁一菜 (萬宜大廈)

營業中

休息中

前排同朋友喺附近做完運動想食個快嘅就入咗呢間日本風格餐廳試吓。眼闊肚窄嘅我就揀咗和風定食，包一個湯、主菜、小菜、飯、同埋飲品。因為佢係一個快餐形式，所以一嗌就好快有嘢食。我揀咗北海道甜粟米雞肉豆乳濃湯，湯嘅味道冇地鐵站嗰間飯團個湯咁濃，但係味道都唔錯。主菜嗌咗豬軟骨，個肉炆得好腍，如果個汁濃啲會更好。我朋友唔食餐，嗌咗個豚肉玉子豆乳咖喱飯，好特別好似我個湯嘅味道，不過咖喱版，我超級鍾意😻超級推介呢個！我哋兩個最後忍唔住都買咗個甜品要咗濃厚焙茶布丁，個布丁配豆腐雪糕，豆腐味好夾焙茶濃郁嘅味道，唔錯唔錯！