一汁一菜 (萬宜大廈)

營業中

休息中

宜家又平又多餸既中式兩餸飯🍚大行其道，但係食得多難免會厭，所以就試下日式既源自日本既一汁一菜～ 意思指一個湯🥣一個主菜 ，主打日式洋風輕食～ 感覺有新鮮感，價錢比平時食料理平，但一樣有嗰種住家菜溫暖既感覺，味道又好食👍🏻 不論係lunch定dinner都可以嚟😌(5 😍 係滿分，🤩係半分）咖哩定食 🍛 - $69 (好味指數：😍😍😍😍🤩)今次小編繼續揀翻番茄雞肉咖哩 🍅🐥🍛，感覺會特別啲，因為係番茄🍅底，所以酸酸甜甜咁帶有少少辣🌶️，惹味開胃🤤 仲有啲番茄粒🍅tim，每次食我都會同將啲汁撈晒落個飯🍚到食真係幾正👍🏻 白飯🍚就用左田牧越光米，粒粒分明，質感Q彈～ 咖哩🍛裡面仲有好多香口鮮嫩既雞肉🐥、清香綿密既薯仔🥔、清甜軟腍既紅蘿蔔🥕，全部都索晒番茄咖哩🍅🍛既味😋 湯🥣方面就加左10蚊要法式龍蝦濃湯 🇫🇷🦞🥣，creamy順滑，亦食到鮮美爽甜既龍蝦肉🦞，有鹹香，味道醇厚幾唔錯👍🏻主菜定食 - $65 (好味指數：😍😍😍😍)主菜要左和風醬油燉牛肉🐮，個汁結合左醬油、味醂、米酒同味噌，味道香甜醇厚，啲牛肉🐮燉煮到嫩滑軟腍，肉味濃郁又入味，仲有冇膠質tim🤩 同時有啲索晒汁既配料，包括清甜軟糯既

已經第三次幫襯✨今次買外賣返屋企做dinner忙完一日想食返啲日式家庭定食做comfort food，「一汁一菜」就最啱地理位置方便，中環C出口行5分鐘就到菜單選擇唔少，湯、前菜、主菜各四款左右—————————————和風定食 ($75)▶️ 8種根菜雞肉豆乳濃湯八種根菜，有粟米、紅蘿蔔、蘑菇、洋蔥、薯仔、蓮藕、牛蒡、甜薯🍠雞肉份量十足，可以做餸味道同忌廉湯差唔多，唔會太鹹健康又有營養😋▶️ 吞拿魚昆布伴秋葵吞拿魚溝咗沙律醬去除腥味🐟秋葵食落黏黏地，口感得意仲溝咗啲木耳絲，做前菜冷盤好開胃▶️ 醬燒北海道十勝豚扒豬扒尚算軟腍🐷不過間中有啲位多肥膏韌啲醬汁調味適中，主要係黑胡椒味▶️ 醬油菇菌飯 (+$10)醬油菇撈飯正過飯素❤️鹹鹹地又有咬口本身米飯用珍珠米，黏身飽滿🍚輕易食晒成碗飯—————————————主菜定食 ($65)▶️ 北海道產南瓜周打濃湯南瓜濃稠鮮甜🎃完全係南瓜蓉配有紅蘿蔔、薯仔粒等配料鍾意飲甜湯嘅，可以叫呢款▶️ 野菌味噌豆乳雞扒都係似白汁蘑菇忌廉醬，冇豆乳味欣賞佢雞扒厚肉好滑嫩🐔啖啖肉好滿足▶️ 田牧越光米本身想試佢個石窯麵包，不過冇晒貨唯有叫返最基本嘅白飯啦-全部嘢都幾好食👍🏻

最近去開中環開會，發掘到寶藏餐廳！以日式餐食及風格，打造和風美食！餐廳以定食為主，好適合上班族食Lunch，最方便係可以外賣，大家都知中環難搵位架啦，可以外賣返公司食仲要熱辣辣！我哋今日就點左2個定食帶返公司慢慢嘆！和風定食🎎主食就揀左和風醬油燉牛肉，另外可以改配鰹魚湯稻庭烏冬，仲有湯/茶飲，揀左北海道產甜粟雞肉豆乳濃湯，另外仲加配左厚燒玉子添！成個定食份量好足料，燉牛肉令肉質嫩滑易咬，配搭稻庭烏冬真係好彈牙，仲好細心將湯及烏冬分盒放，唔會影響左烏冬浸冧咗，個甜粟雞肉豆乳濃湯好香濃呀！加配嘅厚燒玉子係最佳嘅前菜小吃！咖喱定食🍛用左日式濃香牛肉野菌咖喱，入口啖啖香濃，日式咖喱唔會太辣，配搭日本米嘅飯真係好夾，再飲埋個北海道產甜粟雞肉豆乳濃湯就好滿足！🍱一汁一菜地址：中環德輔道中68號萬宜大廈地下G02號舖

想在中環吃外賣飯，就會想到這店了，除了外賣方便外，也有堂食座位，食物味道好，人氣更好，地點又方便，就在中環的核心地段～北海道產南瓜周打濃湯～很濃郁，內裡還有超多南瓜粒，很飽肚～北海道產甜菜雞肉豆乳濃湯～湯底除了香濃外，味道還帶點甜味，喝起來更可口～洋風蒜香醬燒豚扒丼飯～豚扒比想像中更腍軟，醬汁亦惹味，醬汁足夠把飯拌勻吃完～沖繩汁燒大根豬軟骨～配上田牧越光米，米粒煙韌分明，白蘿蔔煮得相當入味，而豬軟骨也鬆軟好吃～

放工一搵原來公司附近有間主打一碗湯一個主食嘅日式洋風輕食餐廳，啱晒想要輕便簡約晚餐嘅我哋。呢晚叫咗2個定食，🍲和風定食和🍛咖喱定食。和風定食叫咗自家製野菌醬燒和牛漢堡扒(主食)加玉子燒(副菜)配白飯和蜜桃🍑紅茶。而咖喱定食就叫檸檬忌廉雞肉咖喱🍛配白飯加北海道產南瓜周打濃湯。望落去每樣都細細碗，估唔到食完就係啱啱好飽，而且味道仲要好好，特別推薦檸檬忌廉雞肉咖喱，夠清新，一啲都唔油膩。仲有和牛漢堡扒，肉質一啲都唔嚡，又好厚身。今次又俾我哋搵到多間飯堂，絕對會再encore！

位於中環嘅「一汁一菜」 主打有營養又滿足嘅日式洋風輕食🍚 餐牌上有多款唔同配撘任君選擇, 連釜飯都有❗️今次就叫咗兩個和風定食set($75起)🍱 包含一個主菜+小菜+飯+湯(小盛)/茶🫖 ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺食後感💬湯嘅話比較推薦龍蝦湯😋 好creamy, 仲有啲蝦肉嚼下🦞 甜粟米豆乳濃湯比較似齋忌廉粟米湯🌽 豆乳味欠奉主食同小食都唔錯🙆🏻‍♀️ 燉牛肉配料豐富🐮 有蒟蒻、豆腐同蘿蔔等等🥕 厚揚豆腐加咗少少雞肉同芡汁就無咁單調~溏心蛋飯就一定唔會令人失望嘅XD 飯粒有浸好香嘅糙米味🍚 甜品方面, 估唔到布甸幾濃焙茶味, 同時又唔會搶咗原本嘅蛋味🤤 濕潤得嚟個口感都幾實👍🏻 🌟留意餐廳比較早收, 食晚餐嘅話可能有部份食物已經售罄。如果喺附近返工, 推介lunch time時段去食喔😆🌟其他堂食分店：黃竹坑、觀塘外賣店: 金鐘 Pacific Place ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺What w

平日都有經過，見到個裝潢好簡約日式，而今日想有一個安靜既環境食lunch，所以決定坐低堂食。嗌左個和風定食，有湯有菜有飯，真係做到佢個brand name 一汁一菜🍛🍲 ：法式龍蝦濃湯 “份量up” 🦞🥣✨好鐘意飲龍蝦湯，都幾濃郁既龍蝦味、又好足料👍🏻味噌牛油照燒雞扒（期間限定）🐓見到個poster寫期間限定，所以即點，因為對限定字眼有種鐘情，煎得好香同少少香甜既照燒汁味鰹魚湯稻庭烏冬 🍜烏冬厚實和Q彈的口感，鰹魚湯好鮮味日式魚餅 🍥個魚餅用高湯浸同份量好大塊，配埋個烏冬一流濃厚焙茶布丁 🍮絕妙甘甜既味道，茶味濃郁其實呢到外賣都包裝都好好，至少係好整齊食得好放心～🥡🥢

係中環果頭返工已經唔知食咩好， 同事同我講公司附近有一餸一湯一飯的選擇呢， 佢個名仲好得意叫一汁一菜， 佢係可以叫小菜定食、主菜定食咖喱定食， 定食 SET沙律定食、和風定食、丼物定食呢～ 佢最近岩岩有釜飯定食， 釜飯定食🍚✨ 釜飯一般是用特製的鐵鍋煮出來的米飯，通常搭配各種美味的配料，比如海鮮、肉類和蔬菜，味道一定很豐富！😋法式龍蝦農湯（小盛）這種湯通常有著濃郁的海鮮味道，搭配新鮮的龍蝦，而鹽燒三文魚五目釜飯更是讓人垂涎欲滴，三文魚的鮮美加上五種配料的豐富口感！ 另外佢下午1500-1800 仲有下午茶餐嫁， 例如蒲燒鰕魚直火燒飯襴茶潰飯$49 ！

燉牛肉非常之美味嫩滑，可惜米飯唔熟，跟住換咗烏冬，但係烏冬非常之咸。第一次試這餐廳有失落感。 因為食日本買米會有滿足感和飽肚感再配埋這好味牛肉，理應客戶很滿足而離開這店舖， 所以會想想會否再來, 可惜呀！

朋友在中環返工，和他在中環街市附近食飯相聚。我地嗌了特選肥牛壽喜燒定食：包括湯/飲品，我哋選了北海道產甜粟雞肉豆乳濃湯，另外再追加：和風大根青瓜吞拿胡麻拌年糕福袋甜品：一汁一菜提拉米蘇飲品：烏龍茶、蜜桃紅茶壽喜燒鍋可選擇豚肉或肥牛，今次我們選擇了肥牛，有大蔥、豆腐、大根、芋絲、大白菜等，這個米飯採用越光米，口感香韌，配上溫泉蛋一流。北海道產甜粟雞肉豆乳濃湯：雞肉香嫩紅蘿蔔粟米鮮甜，豆乳味濃。和風大根青瓜吞拿胡麻拌係日式沙律，口感爽口。朋友喜歡吃年糕福袋，因為這好像個錢袋，代表好運財源滾滾。一汁一菜提拉米蘇，面頭有粒咖啡豆，融入提拉米蘇後更突出咖啡既香味。餐廳日系和風設計，感到十分溫馨，有2-4人座位，也有一人前的座位，和朋友邊食邊傾計，過了一個愉快既時光。

餐廳日系裝修，環境舒適，仲有自閉位好適合i 人去食🤣 所有定食都可以自由搭配，味道好健康👍🏻小菜定食 $55我就揀咗北海道產甜粟雞肉豆乳濃湯、和風雞肉燴厚揚豆腐、田牧越光米，湯濃郁，豆腐加咗京蔥，味道都唔錯，飯粒就分明👍🏻濃厚焙茶布丁🍮 +$20布丁茶味香濃，同埋勁香蛋味，質感比較實，性價比高另外仲叫咗個和風定食 $75揀咗南瓜周打濃湯、和風雞肉燴厚揚豆腐，田牧越光米，野菌味噌豆乳雞扒，同樣出色，D 菇入晒味好正👍🏻，想encore個南瓜湯😍📍 一汁一菜 中環德輔道中68號萬宜大廈地下G02號舖

中環經濟實惠的日本輕定食喺中環返工食飯諗唔到想食咩 喺萬宜大廈最近開咗間日式輕定食飯堂 經濟實惠 每碟份量唔會太多 可以自由選擇兩餸定三餸 唔使驚眼闊肚窄 咖哩定食🍛叫咗個蕃茄雞肉咖喱飯 跟餐仲包個湯/茶 揀左北海道產南瓜周打濃湯（小盛） 係日式咖喱飯嘅口感 咖喱偏甜 好香蕃茄味雞肉亦好嫩身 星期五俾自己食啲Comfort food 叫多左個一汁一菜拉提拉米蘇🍰 主菜定食主菜叫咗沖繩汁燒大根豬軟骨 配田牧越光米 豬軟骨好軟糯 煮得非常入味 餐湯揀左北海道產甜粟雞肉豆乳濃湯 粟米豆乳味好香濃 飲落好舒服另外仲加左串粟米魚肉丸子串🍡 好舒服的味道 唔會過份調味 配菜同主菜每樣都有起碼四款供你選擇 唔洗冇得揀咁悶😋 堂食環境都幾舒服 可以慢慢享受

最近造訪了一家日式輕食為主題的餐廳，環境簡樸而舒適，讓人感覺仿佛置身於日本的餐廳般。我點了他們的定食套餐，裡面包含了多種精緻的小菜。首先是配有和牛羅宋湯，溫暖的湯汁藴含着又大又淋的牛肉，配上非常濃郁的蕃茄味，令人心曠神怡。厚燒玉子，每一口都散發出濃郁的蛋香，玉子香甜而且煎得結實。非常漂亮。接著是鰹魚湯稻庭烏東，麵條Q彈爽滑，湯頭清爽鮮美，完全唔會有酸味。而且即使冇乜點餸點綴，烏東也非常出色，本來我比較喜歡湯郁湯頭的麵食，看似簡單卻驚喜的好食。而定食中的關東煮也相當精緻，我點了五串，有迷你竹輪串、粟米魚肉丸子串、日式魚餅、日式牛蒡魚卷和野菜天婦羅魚餅。每一道料理都展現了日式料理的精湛工藝和獨特風味，讓我彷彿置身於日本的小酒館中。另一款餐點是鹽燒三文魚直火燒飯團茶漬飯和南瓜湯。飯團外皮烤得香脆，三文魚鮮嫩多汁，淋上茶，味道令人驚艷。焦焦的飯配上飯素和茶，口感脆脆的，飯素和菜唔會搶到三文魚味道嘅風頭，而且起到點綴的作用，大推。最後的甜點提拉米蘇和雞蛋布甸精緻又好食，香甜濃郁，給了我完美的結尾。

呢排真係注重咗健康，除咗日日都去做運動之外，對飲食都好着重，所以今日喺中環收工之後都特登搵吓附近有啲咩健康嘢食，見到上網好多人都推介中環萬宜大廈一間餐廳，睇落所有嘢都冇乜負擔，加上好健康，就即刻過嚟買。呢度其實好多唔同配搭嘅選擇，我今次就揀咗和風定食。呢到d湯超好飲，不論係北海道sweet corn雞肉濃湯定南瓜chowder都好smooth好濃郁，其實如果lunch單單飲兩杯呢個都會覺得好正！主菜要左okinawa豬軟骨同醬油燉牛肉，呢個真係有驚喜，因為兩個都煮得好入味，而且啲肉整得好腍，一啲都冇鞋！副菜要左燴厚揚豆腐同菠菜豚肉梅子拌，菠菜豚肉梅子拌係佢哋個期間限定item，冇諗過原來菠菜同梅子係咁搭！呢個真係食到我覺得想再叫多一碟，不過為咗保持健康飲食習慣，都係等下次再嚟！

今次嚟到中環買外賣番屋企食，呢間野之前都食過，係幾高質😎店員好nice ，我叫左兩個set外賣😌蕃茄雞肉咖喱：咖喱係日式咖喱，香濃又唔會太辣，配埋蕃茄同雞肉，會令你好想食多啲飯🤤醬燒北海道十勝豚扒：呢個係佢哋期間限定，豬扒好香豬肉味，甜甜地好入味，豬扒都好腍，一啲都唔韌 😌法式龍蝦濃湯：呢個湯真係好有驚喜，佢係超濃嘅龍蝦味，同西餐廳嘅龍蝦湯係冇分別，呢個真係必點😎北海道產甜粟米豆乳濃湯：呢個湯好creamy，粟米好甜，好正🤤