大叔拉麵

營業中

休息中

今次去左試尼間大叔拉麵。一入到去個環境已經幾令我眼前一亮！好少見到有拉麵鋪嘅裝修咁有日本風格。全店嘅裝修佈置都好有昭和年代嘅感覺。店鋪衞生都做得唔錯，整潔乾淨。今次試左佢地鋪頭推薦嘅和牛骨湯，點左一碗炙燒西班牙黑豚肉和牛骨湯拉麵($98)，湯底偏清淡但好重牛骨香味，而拉麵都彈牙，口感唔錯，同埋都掛湯，適合配合清淡湯底。塊黑豚肉經過炙燒之後，油香十足，又唔會做到好乾。配菜嘅木耳，蔥同糖心蛋都做得不俗，蛋嘅熟度適中。今次我仲加錢跟餐，有一份大阪燒餃子同一壺茶。跟餐餃子有3隻，皮底香脆，入口充滿肉汁，餃子外嘅大阪燒汁同木魚花都好夾。總結，係一間幾有特色嘅拉麵店，我認為可以值得一試！