牛霸王

營業中

休息中

之前同事帶我食過呢間餐廳，今晚放工突然諗起就約個朋友一齊食，柔和燈光，木系餐椅，簡單舒適。佢嘅主打係日本蘭黃蛋漢堡丼飯，可以揀手打芝安格斯漢堡或招牌手打和牛漢堡；可以配搭幾款醬汁，分別係白味噌,忌廉汁同秘製漢堡汁。仲有得揀配料，日式泡菜或者芥辣酸瓜我揀咗招牌手打和牛漢堡配秘製漢堡汁配酸瓜;另外朋友點咗吉列雞扒飯。店舖推介可用優惠價加點小食，揀左蝦春卷同雞翼。食物即叫即製，場內亦唔少顧客，等左陣食物終於嚟到啦，先係小食，熱辣辣炸起，食落零舍好味。蝦春卷外皮薄脆，內面餡料滿滿；雞翼肉質嫩嫩有汁，正！至於主菜，同樣咁令人滿意：漢堡丼飯好似層層疊咁，最上係蘭黃雞蛋，顏色奪目，加左蛋汁食口感又豐富啲；夾心層係酸瓜同蘿蔔蓉，個人覺得有平衡口感功效，無咁油脂味，最底係牛味濃郁嘅厚身和牛漢堡，夾雜油脂香，超讚！加埋日本米襯托係成坐漢堡塔，加埋汁圍邊成條運河咁。吉列雞扒飯邪惡又好食，跟有幾款唔同醬汁，類似千島醬嘅醬汁，食落特別開胃，雞扒外表炸得夠酥脆，而且唔係好厚粉漿個種吉列口感，食落更加似台式炸雞扒個種厚少少，比較岩朋友同我口味，裏面雞扒又夠嫩滑，意料之外嘅好食！