宴 尖沙咀

今晚同朋友去了間裝修環境勁和式嘅餐廳食飯，起初朋友想散點食物，但我見餐牌上有這個日式火鍋任食套餐，當然二話不說選了這款，個人主打別和牛，所以集中火力要了梅，有優質宮崎和牛同精選美國豚肉，而餐內包括了無限任添時令野菜拼盤、日本米粥，軟滑烏冬外，還有兩款冷盤，三點刺身及是日雪糕！計落都十分抵食，有質素嘅食材同一個舒適嘅環境，感覺就係整個人都可以放鬆一下！冷盤有泡菜同漬物魷魚，作為前菜味道夠，開胃醒神！而接住就係刺身三點，有肥美嘅厚切嘅三文魚，軟滑鮮甜嘅帶子同埋爽口彈牙嘅赤蝦，入口感覺新鮮！當然今晚嘅主角火鍋鴛鴦湯底，一邊醬油，另一邊豬骨清湯可按自己喜歡口味放湯！宮崎和牛肉質嫩滑軟熟入口牛味濃郁夠晒肥美，而豚肉亦十分軟滑肥美，食完一盤又一盤，加埋個香軟煙韌嘅白飯就係高質嘅牛肉丼😁！當然個煙韌彈牙嘅烏冬吸收埋湯底嘅牛味亦係一個必吃之選！另加埋杯冰凍嘅生啤，今晚真係滿足到和牛控嘅我！最後加埋個香濃抺搽雪糕！完成了一個治癒嘅晚餐！