發達叉燒

營業中

休息中

見到上網有人介紹，所以特登嚟咗排隊，今晚七點幾，等咗大概5分鐘就有位啦。叉燒雙蘭王蛋飯($88): 一上菜已經wow出聲，兩隻蘭王蛋啲食橙到不得了，賣相好靚，而且叉燒燒得好夠火候見到啲窿邊都係有好多蜜汁嘅。叉燒食落去好林，而且自己鍾意偏瘦嘅叉燒，所以呢碟啱啱好。茅台醬油雞燒鵝飯($80): 燒鵝好濕潤，而且皮都仲係脆皮，應該係啱啱燒出嚟，雞亦都好滑！ 自己本身對叉燒期待有啲高，但係冇諗到原來其他燒味都好好食。老火湯:跟飯餸嘅，所以有兩碗，佢嘅老火湯入邊嘅肉都係用上應該係餸頭餸尾嘅叉燒，所以好淋，完全唔覺得係食緊煲完老火湯嘅肉咁樣。鵝汁時蔬($60):本身見到價錢都有啲卻步，但係見到其他食評都讚呢碟時蔬，所以就叫咗嚟食，真係收得呢一個價錢就會對出住d食材。每一條嘅菜心都係批咗皮嘅，所以食落去菜心下面根部入邊完全係好嫩，而且仲係爽口嘅。勁好食!!! 總結：呢間燒味舖咁多人推介真係有佢嘅原因，雖然係冇得book位，但係其實都好快就有位，所以唔需要等好耐。自己覺得佢哋對食材嘅認真真係好值得大家黎支持，淨係碟菜都已經好值回票價。