Cruise空中餐廳及酒吧

營業中

休息中

本身見Cruise新開，環境好似唔錯，而對個新嘅韓牛set dinner都有興趣，就book左同啊爸慶祝生日，諗住一家人食餐好。其實頭盤到主菜都幾順利，但係甜品開始就現曬形。本身book枱已經特登request甜品上面寫Happy Birthday，嚟之前再打電話提多次，個甜品上嘅時候竟然乜都冇，同侍應反映都係態度冷淡，好似覺得係我地無講咁。埋單仲大獲，事前知道有信用卡優惠已經問清楚，聽電話個staff就話全部有折，仲好似好好咁特登提埋母親節套餐無折。點知張單嚟到就話我地叫個餐都係無折，經理就勁過張三丰啦，一句話落booking個同事已經放咗工就四兩撥千金，又話自己無authority改單，完全無誠意。我地亦唔係貪佢小小折，拿拿聲簽埋走人，費事激親自己，但係實在要寫上嚟提醒大家，唔好食到一肚氣。