星林居酸辣米線餐廳

營業中

休息中

今日就過返去尖沙咀做嘢，所以就一樣想快快手手食啲簡單嘢搞掂，同埋諗住陪個朋友一齊食齋，佢齋得嚟仲要係冇雞蛋嘅，所以突然間諗起星林居，食米線，只要唔食辣嘅時候就唔會有肉。行過去買嘢都算方便嘅，唯一奇怪嘅係自己揀餸嘅時候冇得叫蘿蔔，但係佢係有一款蘿蔔腸仔米線嘅。佢嘅小窩米線，我朋友鍾意食，因為佢個湯比較甜，我就加咗酸味，整體來講維持到佢嘅水平，米線同湯都好好味。唯一就係試吓加咗個腐皮角，以為剩係得腐皮，點知原來係魚肉嚟嘅，所以全部俾晒我食，整體嚟講星林居都仲係值得讚嘅。不過題外話，唔知個湯本身會唔會有肉汁嘅呢？