紅堂 (已結業)

今日去銅鑼灣食麻辣火鍋，紅堂，位於銅鑼灣登龍街，鄰近地鐵站巴士站，十分方便。餐廳裝飾主題霓虹，夠哂前衛型格，同時可以表達麻辣火鍋紅紅辣辣既感覺。-鴛鴦鍋 (紅堂和牛牛油麻辣鍋 / 火腿花膠魚肚老火雞湯鍋)和牛牛油麻辣鍋夠香夠麻，唔算好辣，加左rock & roll形狀既和牛牛油，更加香口，食物配料唔使加醬汁都非常夠味。花膠魚肚老火雞湯真材實料，老火雞湯都飲左好幾碗，花膠份量都算多，湯底出色。-手切牛勁脊牛肉味濃，手切功夫好，適當大小厚薄，份量充足，牛肉夠新鮮。-麻辣和牛餃賣相擺盤都好靚，和牛餡料味道濃郁，配上小小嘅麻辣味，餃子十分飽滿多肉汁。-蒜泥白肉水晶包玩味十足，睇得又食得，外型非常有趣，水晶包經過中火煮熟之後，咬開就係蒜泥白肉嘅味道，餡料亦都非常飽滿，值得一試。-評分 : 7/10