227
14
0
等級2
22
0
2020-01-12 78 瀏覽
天氣開始轉凉,梗係要去食打邊爐啦。最近就試咗呢間店,值得推薦。佢哋做放題,湯底大部分都唔使另外加錢,我哋叫咗個胡椒豬肚湯,打邊爐已經熱氣,再加埋個豬肚湯其實就火上加油。。。但係見到又覺得好好味,所以死就死啦,嗌咗至算。言歸正傳,個湯唔算好重胡椒味,但係好多配料,用嚟打邊爐唔錯。雖然係放題,但係個湯底一嚟到,就送咗一客靚牛肉同埋一個海鮮拼盤。跟住就可以狂點嘢食😈我哋點咗好多嘢食,講下有咩推介先。我覺得個黑毛豬肉片好得,出面食可以好貴,放題有得食真係難得。另外個咸蛋黃炸魚皮又係其他地方食唔到,仲要係根本可以當小食直接食,但係好邪惡。。。其他啲丸同餃都似係自家出品,但味度又未去到嘩嘩聲。最後嘞,佢哋有幾個侍應似係聾啞人士(我無理由走去問人嫁,所以用「似係」),所以留意溝通要俾啲耐性。但呢樣嘢係值得讚下個老細,好有heart。
更多
天氣開始轉凉,梗係要去食打邊爐啦。

最近就試咗呢間店,值得推薦。佢哋做放題,湯底大部分都唔使另外加錢,我哋叫咗個胡椒豬肚湯,打邊爐已經熱氣,再加埋個豬肚湯其實就火上加油。。。但係見到又覺得好好味,所以死就死啦,嗌咗至算。言歸正傳,個湯唔算好重胡椒味,但係好多配料,用嚟打邊爐唔錯。

雖然係放題,但係個湯底一嚟到,就送咗一客靚牛肉同埋一個海鮮拼盤。跟住就可以狂點嘢食😈我哋點咗好多嘢食,講下有咩推介先。我覺得個黑毛豬肉片好得,出面食可以好貴,放題有得食真係難得。另外個咸蛋黃炸魚皮又係其他地方食唔到,仲要係根本可以當小食直接食,但係好邪惡。。。其他啲丸同餃都似係自家出品,但味度又未去到嘩嘩聲。

最後嘞,佢哋有幾個侍應似係聾啞人士(我無理由走去問人嫁,所以用「似係」),所以留意溝通要俾啲耐性。但呢樣嘢係值得讚下個老細,好有heart。
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食