粗菜館 (已搬遷) 新店位置

今日老虎有家人自遠方來，老虎不亦樂乎。同佢地去海馬公園玩完之後，就車咗佢地去附近嘅粗菜館醫肚，順便回味一下當年嘅味道。利申一下，我同老虎之前一直都係佐敦粗菜館嘅 fans，自從佢搬咗之後，佐敦得返麥文記叫做真正係好味道，其他嘅簡直不值一提......店入面裝修同以前佐敦差唔多，牆上面都係掛滿咗名星嘅簽名，仲有一大幅蔡 San 嘅推介字畫，店員見我周圍影相，提我仲有一幅金庸嘅喺入面，哈！有趣！今晚我地四大一細，點咗 : 梅菜扣肉、例湯、炒花甲、菜甫涼瓜煎蛋、鳯爪、炸大腸、鴨舌同埋豬油撈飯。見到個哥哥仔入緊薏米水本來都想叫嚟試吓，不過佢話啱啱煲起，雪唔切未夠凍，所以最後都係叫咗汽水，嘻。扣肉半肥瘦，鹹甜適中。例湯飲落 feel 到依然係無落味精，而且豬骨味濃，滾熱辣倒入喉嚨，舒服。花甲有少少辣不過可以接受，而且味道唔錯，雖然份量有啲啲少，不過 58 蚊份算係咁。白滷水雞腳，女人鍾意食，我自己就一般般。炸大腸同鴨舌都好正！無得彈！豬油撈飯我自己實在無 quota，只能夠食白飯，不過老虎就食得好很滋味，一啖接一啖...總體嚟講好滿意，遠方來嘅家人話好美味，我同老虎就好回味，感動嘅一餐！埋單前拎