影片
更多
2022-01-11
2052 瀏覽
朋友請食飯，喺網上搵到呢間評語唔錯，搵左放假既lunch去食。Lunch時間場內冇乜人，我哋三個人可以坐左一張好大嘅六人枱，好舒服。D 枱椅都好新淨, 衛生程度都唔錯!星期六都有lunch set可以揀，叫咗兩個lunch set ($198一份)，再散叫咗一份炸子雞$128。兩個LUNCH SET 原本佢話當係4個餐, 跟4碗飯, 不過我地要3碗夠啦!首先嚟到嘅係菠蘿糖醋魚柳，佢個皮新鮮夠脆，唔會太厚，入邊嘅魚肉都幾嫩，呢樣有啲驚喜！菠蘿幾多舊, 不過切得太大嚿，如果切細啲就更好, 哈哈！跟住就係一個三式拼盤，顏色好豐富, 外貌十分之吸引: 黑磚豆腐+芥末香煎元貝+油茶樹菇煙燻糖心蛋。聽講黑磚豆腐係招牌之一，一咬落去個皮係好脆唔厚，跟住入邊嘅豆腐係非常之嫩滑，好好食！芥末香煎元貝，個帶子好大舊，佢煎得唔太熟，有輕微嘅刺身口感，所以元貝唔會縮細左亦都唔會難咬，好好食! 而且拌有少少芥茉醬, 有少少辣再加甜嘅口感, 喜歡!油茶樹菇煙燻糖心蛋，上面放咗啲醃製咗嘅茶樹菇，我覺得感覺唔係好襯。其實冇咗茶樹菇都OK。個糖心蛋味道幾好食，口感好「粉」！我哋再散叫咗一個話梅淮山小食$48，個淮山有少
Lunch時間場內冇乜人，我哋三個人可以坐左一張好大嘅六人枱，好舒服。
D 枱椅都好新淨, 衛生程度都唔錯!
星期六都有lunch set可以揀，叫咗兩個lunch set ($198一份)，再散叫咗一份炸子雞$128。
兩個LUNCH SET 原本佢話當係4個餐, 跟4碗飯, 不過我地要3碗夠啦!
30 瀏覽
0 讚好
0 留言
首先嚟到嘅係菠蘿糖醋魚柳，佢個皮新鮮夠脆，唔會太厚，入邊嘅魚肉都幾嫩，呢樣有啲驚喜！菠蘿幾多舊, 不過切得太大嚿，如果切細啲就更好, 哈哈！
黑磚豆腐+芥末香煎元貝+油茶樹菇煙燻糖心蛋
37 瀏覽
0 讚好
0 留言
18 瀏覽
0 讚好
0 留言
跟住就係一個三式拼盤，顏色好豐富, 外貌十分之吸引: 黑磚豆腐+芥末香煎元貝+油茶樹菇煙燻糖心蛋。
聽講黑磚豆腐係招牌之一，一咬落去個皮係好脆唔厚，跟住入邊嘅豆腐係非常之嫩滑，好好食！
芥末香煎元貝，個帶子好大舊，佢煎得唔太熟，有輕微嘅刺身口感，所以元貝唔會縮細左亦都唔會難咬，好好食! 而且拌有少少芥茉醬, 有少少辣再加甜嘅口感, 喜歡!
油茶樹菇煙燻糖心蛋，上面放咗啲醃製咗嘅茶樹菇，我覺得感覺唔係好襯。其實冇咗茶樹菇都OK。個糖心蛋味道幾好食，口感好「粉」！
話梅淮山
$48
25 瀏覽
0 讚好
0 留言
我哋再散叫咗一個話梅淮山小食$48，個淮山有少少酒味及有少少甜味，淮山本身夠粉，好好食！
20 瀏覽
1 讚好
0 留言
跟住上咗第二個主菜，就係胡椒豬肚，佢個胡椒豬肚湯唔算辣，味道中間，豬肚都比較淋身，而且洗得乾淨！整體味道夠，亦都唔會太鹹，但係如果可以再加多少少胡椒味呢就更香！
脆皮風沙雞
$128
28 瀏覽
1 讚好
0 留言
脆皮風沙雞，好好食！首先佢個外貌已經好靚，好有心機鋪排，個雞皮炸得好靚夠色，最驚喜就係佢啲雞肉好嫩滑！我夾起咗舊雞髀肉嘅位置，雖然本身雞髀肉係比較嫩，但係佢可以保持到佢既嫩滑肉汁，感覺有少少似海南雞，真係勁！睇得出佢嘅功力好好！
16 瀏覽
0 讚好
0 留言
十年陳皮魚茸羹，材料好豐富，材料好多好豐富, 魚肉好厚身，都算滑，再加一啲薑絲再加其他配料，好食! 但佢話有陳皮味，我自己就唔係好食到，但係都好好飲！
金菊桃膠燉手工菊花豆腐
21 瀏覽
0 讚好
0 留言
金菊桃膠燉手工菊花豆腐, 我最鍾意! 一嚟到就嘩咗聲，因為好靚，佢係將個豆腐切到好似菊花咁，好靚！真係好有心機，好有誠意！糖水本身係桃膠加啲菊花嘅味道，甜度係清甜; 豆腐吸左個糖水既甜味，清清甜甜, 好好食！我都有諗過好唔好自己再散叫一碗，不過少食多滋味，下次再來吧！
賣單嗰陣佢仲有九五折，好抵食！
呢間野真係好好食，整體嘅質素好平均地好，而且又坐得舒服而且價錢真係好抵食，性價比好高！我非常之推薦大家過嚟食！
張貼
