人生有限杯.串燒店

營業中

休息中

見唔太肚餓，諗住少少地食下串燒，點知都幾好味，樣樣都想食，食唔錯又encore，最後都食到好飽🤣 所有食物都好新鮮熱辣，唔係燒好擺係度你要先拎比你，夠溫度既野真係好食好多！星期日晚上7點先即興訂位8點，好彩都訂到。去到都全店full，所以我諗都係訂位穩陣啲。Sapporo買一送一，但見附近都少人叫。油炸鬼蝦膠芝士(類似咁既東西)炸串黎既應該，都係新鮮炸起，好脆，可以試下！牛舌比較落同細，但係芯黎既，好食，但調味有啲飄忽，叫咗兩轉，第二次嗰啲太鹹。蜜糖芝士年糕燒蠔呢個大推！$48兩隻，都唔細咖仲好飽滿，食落燒得啱啱好十分juicy，係新鮮蠔既感覺！調味少少辣好惹味。蟶子呢個就燒得熟左啲，粉絲都好少，仲要燒到乾咗，得兩三條乾粉仲黐住咗個殼食唔到。同埋嗰條味太鹹，落得太多菜譜定係唔知咩醬。鹽燒雞翼得啲皮有味，又燒得幾脆，都ok，但無皮個啖就無味。免治雞肉串豚肉卷秋葵個人認為幾好食，不過豚肉薄咗啲！另外叫咗豚肉卷荔枝，不過唔記得咗影，都係幾好味。大蔥雞肉卷啲雞都係表面啲醬有味，肉中間冇乜味。明太子忌廉撈烏冬冇明太子味，得忌廉味，忌廉好杰好heavy，一食就好濟，唔夠飽想快啲食飽先好叫。