影片
以上資料只供參考, 請與餐廳確認詳情
人生有限，最重要係及時行樂，所以同家姐去咗「人生有限杯.串燒店」細嚐串燒、把酒談天。*此餐廳收取加一服務費。有限杯之忌廉煮蜆（單點$68），表面鋪有香草，蜆肉食落好新鮮，配以忌廉食用，奶味濃香。流心蛋薯仔沙律（單點$68），表面鋪有青瓜、蟹籽、黑芝麻，馬鈴薯沙律口感綿密，配以流心蛋、美乃滋食用，蛋香味濃，食落類似碎蛋馬鈴薯沙律。鹽燒和牛牛小排（單點$48），肉質嫩滑，食落牛味濃厚、帶有黑椒味道，配以黃芥末食用，味道鹹香帶辣。蒜蓉燒蠔2隻（單點$48），表面鋪有辣椒絲、蒜蓉、香蔥，廣島蠔肉質飽滿，味道鮮甜。蒜蓉菜脯燒元貝2隻（單點$48），表面鋪有粉絲、菜脯碎、蒜蓉、香蔥，元貝食落有鮮味，略嫌元貝肉質比較瘦削。鹽燒雞中翼（兩串$48），雞皮口感薄脆，雞肉食落好Juicy，配以檸檬汁食用，味道清爽。鹽燒雞腿肉（兩串$48），雞皮食落帶有焦香味道，雞肉肉質厚身，食落啖啖肉。菻蓉菜脯燒茄子（單點$38），表面鋪有菜脯、辣椒、蒜蓉、香蔥，茄子食落好入味，味道香辣。味噌松板豬（兩串$30），肉質彈牙，略嫌味噌味道欠奉，配以辣椒粉美乃滋食用，味道更佳。紫蘇鹿兒島雞頸肉（單點$28），肉質爽口，配以紫蘇葉食用，食落好香口。豚肉牛油果卷（單點$28），表面鋪滿紫菜，豚肉肉質肥瘦適中，配以牛油味食用，味道清新。免治雞肉棒配日本蛋（單點$28），雞肉棒內有雞軟骨，口感爽脆，略嫌免治雞肉肉質比較鬆散，配以月見沾醬食用，味道鹹甜。香燒翠玉瓜（兩串$20），表面鋪滿孜然粉，食落好惹味。港式蜜糖多土夾雪糕（單點$48），蜜糖多士口感酥脆，味道香甜，配以呍呢嗱雪糕食用，冰火交融，呍呢嗱雪糕口感幼滑，帶有呍呢嗱籽。手打檸檬茶（單點$28），茶味濃香，味道酸甜。青檸梳打（單點$28），味道酸溜。
繼續閱讀
•話梅粉燒車厘茄卷 $15 / 大蒽雞肉串 $10 /免治雞肉棒 $28(⭐️8/10)私心超鍾意話梅粉絲車厘茄卷🥰‼️豚肉包住車厘茄，一咬就即刻爆汁💦，酸酸地嘅蕃茄汁好好咁解咗豚肉嗰種膩🍅🐷意外地超夾，值得一試！🤟🏻大蔥雞肉卷同免治雞肉棒都勁好食，必食😆❤️🔥•燒蜜糖多士夾雪糕 $48 (⭐️7/10)沒諗過串燒店嘅甜品都咁出色😳‼️蜜糖多士燒得超脆🍞，外面caramelised，夾住厚厚的vanilla 雪糕，超滿足ヾ(o˃̵͈̑‿˂̵͈̑o)ｼ!!•鹽燒荔枝卷 $15 / 黑松露䐁肉蘆筍卷 $28 /䐁肉秋葵卷 $20 (⭐️6.5/10)呢幾款都好值得一試😋✌🏻，好特別嘅組合!!水果同蔬菜可以解咗豚肉嘅油膩，同行朋友超愛鹽燒荔枝卷🫶🏻•鹽燒牛舌芯 $28 / 鹽燒豬肋肉 $28 / 和牛牛小排 $48 / 雞腎 $20 / 椒鹽雞軟骨 $15 / 翠玉瓜 $10 (⭐️6/10）其實串燒都正常發揮👌🏻，味道不錯，好惹味！•味噌松阪豬 $15 / 生朝鰻魚汁燒白鱔 $48 (⭐️5/10)松阪豬燒得有啲太乾啦，似食豬肉乾咁😢。📍人生有限杯.串燒店 ▫️銅鑼灣登龍街28號永光中心15樓▫️中環九如坊6-10號地下C號舖
繼續閱讀
人生有限星期一緊係要啤啤佢，依間居酒屋竟然啤酒買一送一，非常抵飲，仲有熱辣辣既串燒，不得不同大家推介。星期一仲要都幾多人下香燒翠玉瓜香燒翠玉瓜，呢個價錢真係好抵食。翠玉瓜燒得啱啱好，保持住脆口嘅口感，加上燒烤嘅香味，食落去清新又唔會太重口味，係炎熱天氣下嘅好選擇。泰式燒墨魚鬚泰式燒墨魚鬚帶有濃郁嘅香茅同香料味，嗰種微辣刺激味蕾，令人成餐都覺得好開胃。墨魚鬚彈牙爽口，$15一串，性價比都幾高。鹽燒雞中翼鹽燒雞中翼簡單但美味，皮脆肉嫩，鹽香滲入雞肉入面，食落去好滿足。呢個價錢唔算貴，適合同朋友一齊分享。忌廉煮蜆有限杯之忌廉煮蜆呢道菜，忌廉濃郁但唔會過膩，蜆肉鮮甜，湯底仲可以用嚟點麵包，非常滿意。明太子忌廉烏冬明太子忌廉烏冬，忌廉醬濃郁，明太子提供咗獨特嘅海洋風味，烏冬滑溜彈牙，呢個價錢絕對值回票價。脆卜卜花椒五花腩肉脆卜卜花椒五花腩脆卜卜花椒五花腩肉帶有微辣，花椒嘅麻香同五花腩嘅油香完美結合，令人回味無窮。呢道菜個口感真係幾特別，係愛辣人士嘅心水之選。免治雞肉棒配日本蛋免治雞肉棒配日本蛋，雞肉香嫩，配埋滑溜嘅蛋黃，簡直係絕配。呢個價位幾合理，食完之後令人滿足。蒜蓉欖角燒蟶子蒜蓉欖角燒蟶子，微辣嘅口感令蟶子更加惹味，蒜蓉同欖角嘅香味滲透其中，海鮮味十足，值得一試。蒜蓉菜脯燒元貝蒜蓉菜脯燒元貝，微辣嘅調味令元貝更加突出，菜脯嘅鹹香同元貝嘅鮮甜結合得非常好，令人一試難忘。蒜蓉菜脯燒茄子呢道菜非常入味，茄子吸滿咗蒜蓉菜脯嘅香味，微辣嘅口感令成道菜變得更加開胃，係一道好好嘅小食。蒜蓉菜脯燒廣島蠔蒜蓉菜脯燒廣島蠔，蠔本身已經好鮮甜，加上蒜蓉菜脯嘅調味，微辣嘅感覺提升咗整體層次，非常推薦。Sapporo $48買一送一係飲酒愛好者嘅好消息，Sapporo買一送一，呢個優惠真係好抵，適合同朋友一齊飲。百香果檸檬茶百香果檸檬茶好清新，酸酸甜甜，非常解渴，係炎熱天氣下嘅完美選擇。人生有限杯.串燒店 (銅鑼灣)📍地址：銅鑼灣登龍街28號永光中心15樓
繼續閱讀
近排發現喺登龍街樓上有間幾抵食又高質嘅日式串燒店🍢地點方便，而且喺中環都有分店😆仲要都幾抵，最平$10一串都有交易，最啱同朋友聚一聚傾吓偈🍻不過留意都幾full吓，想食就記得要book定位👭🏻🦪蒜蓉菜圃燒廣島蠔($48兩隻)大量嘅蒜蓉菜圃舖滿喺廣島蠔上面🧄再拎去燒，保留到蠔汁又充滿蒜香🤤🌱大蔥雞肉串 ($10串)十蚊一串真係太誇張🫢賣相精緻又抵食，嫩滑嘅雞肉配埋燒香咗嘅大蔥，再加上照燒汁，香甜又惹味👍🏻🌽港式蜜糖牛油粟米($10串)🥩鹽燒西班牙五花腩($10串)西班牙五花腩入口充滿油脂感，燒完加上少少鹽已經好夠味🥰🧀老油條釀墨魚滑爆芝士($20串)油炸鬼外層炸到好鬆脆🐙裏面釀咗彈牙嘅墨魚滑再包住流心芝士，多重口感又好邪惡😈重點係沾埋個酸甜甜嘅醬汁，食到停唔到口😋🐤日式秘製汁炸拆骨雞翼($48)用咗日式秘製醬汁醃製嘅拆骨雞翼，外皮炸得酥脆，肉質保持多汁嫩滑😋內層仲夾住大葱，幾特別🤣🐣免治雞肉棒(配日本蛋)($28)免治雞肉加上雞軟骨粒，增加口感，再拌上日本雞蛋，唔錯☺️🐠味淋魚干($38)香甜嘅味淋魚干，每次食串燒必點，百吃不厭😂😂🐥酥脆雞皮($38)🍍港式蜜糖燒菠蘿($10串)🐓椒鹽雞軟骨($15串)👅鹽燒牛舌芯($28)🐷鹽燒豬肋肉($28)🧀芝士菠菜卷($28)🥩鹽燒和牛牛小排($48)🍋手打檸檬茶($28)
繼續閱讀
聽友人講銅鑼灣開咗間新開嘅日式串燒，串燒好抵食，最平$10就有交易 ，當中仲有唔少港式fusion嘅特色食物 。$10區♦️大蔥雞肉串$10一串真係非常抵食，雞肉嫩滑，配埋燒香咗嘅大蔥加埋照燒汁，係一個經典嘅組合🐥♦️惹味雞腳筋第一次食雞腳筋，原來佢係雞腳連住雞髀嗰嚿小小嘅筋。燒香咗之後，雞腳筋嘅口感幾有口感。♦️鹽燒西班牙五花腩半肥瘦嘅五花腩，真係夠晒邪惡🐷 豬皮同埋脂肪嘅部份係入口即溶。♦️港式蜜糖牛油粟米食串燒都要食少少蔬菜，$10區有呢個蜜糖牛油粟米，牛油味勁香，又唔會太燶🌽$15區♦️味噌松阪豬醬汁甜甜地，豬肉咬落去Juicy又有口感，側邊仲有蛋黃醬，雖然有少少邪惡，但係更加美味🐷♦️椒鹽雞軟骨呢個雞軟骨串有好多粒，仲要每粒都咁飽滿，真係好想再食多串😙♦️泰式燒墨魚鬚墨魚鬚切成粒狀，燒香完帶點黑椒味，再點埋側邊嘅泰式醬，帶點微辣，食得過癮。$20區♦️燒鮮雞腎一粒粒嘅雞腎粒排列整齊，口感爽彈。♦️老油條爆芝士呢個油炸鬼裏面釀咗墨魚滑再加芝士，熱辣辣食啲芝士半溶嘅狀態好正🧀其他食物♦️免治雞肉棒呢個係每次食串燒都想食嘅，照燒汁包裹住免治雞肉棒，點埋日本蛋汁，個味道超夾🍳♦️鹽燒牛舌芯食落口真係好軟腍，牛味香濃👅♦️蒜蓉菜圃燒廣島蠔一份有兩隻，面頭除咗有蒜蓉之外，仲有啲辣菜脯喺面，配埋綿密嘅廣島蠔，呢個配搭幾特別🦪主食♦️香蔥手抓餅呢個手抓餅非常酥脆，入面有香蔥做餡料，食落口唔會太油膩🥬♦️咖哩牛舌菠蘿包呢個組合似係冰室先會有，估唔到呢間串燒店都有，真係創意爆燈😙 菠蘿包嘅餡料有厚厚嘅咖喱牛舌，上面仲有太陽蛋，夾埋一齊食，真係好有港式風味。甜品♦️港式燒蜜糖多士夾雪糕呢一個甜品嘅配搭唔錯，外層嘅多士係香脆嘅蜜糖多士，入面有一層層厚厚嘅雲呢拿雪糕🍦 夾埋一齊食個感覺係冰火交融，幾特別🍞飲品餐廳有做生啤嘅推廣優惠，不過今日唔係太想飲酒😛♦️手打檸檬茶呢個嘅茶底幾香濃，本身想嗌走甜，但係店員提醒如果走甜個檸檬味會好酸，所以我哋淨係嗌咗少甜🍋♦️青檸梳打呢杯梳打好Fresh ，幾推介大家嗌呢杯😆呢餐真係食得好滿足，好難得可以喺銅鑼灣搵到咁高性價比嘅串燒店😎 下次再想同朋友飲返杯嘅話，就一定會再嚟呢度 。
繼續閱讀
您可能會有興趣的...