星海薈﹒譽宴

營業中

休息中

當日同家人去咗依間飲茶。我哋叫咗蝦餃、燒賣、牛肉腸粉、馬拉糕、金磚脆豆腐、鮮茄濃湯浸菜苗。蝦餃除咗味道不錯，啲皮都唔算厚，至於燒賣同牛肉腸粉，就不過不失。初初我哋以為馬拉糕係細細件嗰啲，點知嚟咗個份量咁大，幸好我哋都食得晒。味道不錯，尤其是小朋友食就特別鍾意，因為馬拉糕都算鬆軟。金磚脆豆腐，算係整得唔錯，當然未至於有驚喜。而蕃茄濃湯浸菜苗，菜苗都算嫩，唔會覺得好硬。不過環境就感覺細啲，比起一般酒樓來講，呢間酒樓已經算細。不過幸好每張枱之間空位都尚算OK。