樂天經典 (奧海城二期)

營業中

休息中

經常食樂天王朝，今日第一次食樂天經典。樂天王朝係京川滬中菜，樂天經典係星馬泰東南亞菜，但係好詭異嘅係港式菜例如魚香茄子煲，亦會出現喺餐牌裏面。餐廳有大大個玻璃窗，今日對住藍天白雲食飯，特別relax。蒜香紅海蜇頭幾細碟，不過醋味幾香，食落酸酸甜甜幾開胃。本來想食三杯鴕鳥肉煲，但係餐廳話唔賣鴕鳥肉，所以變咗三杯牛肉煲。牛肉明顯係用左鬆用粉，味道少少咸，口感一般。泰式海鮮炒米粉嘅海鮮唔多，但係應該有用咗少少蝦醬，味道鹹鹹鮮鮮，幾惹味，朋友都話好食。魚香茄子煲質素正常，唔係食到好突出既鹹香味，不過茄子唔會煮得太生，又唔會太爛，可以一試。