影片
更多
2023-11-21
1203 瀏覽
二人行。散叫試吓平時酒樓食唔到嘅點心。服務員態度都ok。環境同衛生理想。共花費$8xx。叫咗8樣點心，點心外觀都精美，熱辣辣上碟，普遍都有水準。可能係以外國人口味作參考，我食慣平民野，真係唔太識欣賞。總結係味道一般，價錢較貴，CP值極低。龍井茶好飲。茶位$25 each黑蒜燒賣：算好味，但燒賣內爆滿黑蒜嘅酸味，真係唔太夾燒賣。刴椒墨魚餃：似食緊墨魚滑嘅蝦餃，微辣。味道普通。黑松露蝦餃：好味，好香黑松露味，皮夠軟夠薄。龍蝦撻:好味。仲熱到燙嘴😅似食緊外國嘅海鮮酥盒。义燒飽：好味。唯一一樣最似正常酒樓食到嘅點心。擔擔湯包（無醋點嘅小籠包嚟）：雖然皮薄多汁，但單一得個麻辣味，味道好普通。香蔥黑毛豬腸粉：…普通，肉味不足。淡口。巴拿馬火腿蘿蔔糕撐：最伏。蘿蔔糕質地淋到散，一夾就爛。零口感。煎過嘅巴拿馬火腿亦唔好味。
龍井茶好飲。茶位$25 each
黑蒜燒賣：算好味，但燒賣內爆滿黑蒜嘅酸味，真係唔太夾燒賣。
刴椒墨魚餃：似食緊墨魚滑嘅蝦餃，微辣。味道普通。
黑松露蝦餃：好味，好香黑松露味，皮夠軟夠薄。
龍蝦撻:好味。仲熱到燙嘴😅似食緊外國嘅海鮮酥盒。
义燒飽：好味。唯一一樣最似正常酒樓食到嘅點心。
擔擔湯包（無醋點嘅小籠包嚟）：雖然皮薄多汁，但單一得個麻辣味，味道好普通。
香蔥黑毛豬腸粉：…普通，肉味不足。淡口。
巴拿馬火腿蘿蔔糕撐：最伏。蘿蔔糕質地淋到散，一夾就爛。零口感。煎過嘅巴拿馬火腿亦唔好味。
張貼