影片
更多
2019-05-20
35 瀏覽
Fiancé突然話要慶祝求婚480日，帶我去食大餐🤣勁神秘約我去錦上路等，之後再行一段路，黎到呢度見到寫住天空之城，呢度好多野食，帶左我入黎口間叫「崟」既日本餐廳。一入去見到鐵板，就估到佢帶我食鐵板燒😍坐低睇完menu，就決定揀食龍蝦🦞既二人前。waitress首先送上前菜同沙律，沙律好特別，除左有沙律菜重有冰菜同一塊蓮花莖，醬就用左芝麻醬。前菜既冬風螺甜甜地，用左日本豉油同酒煮，煮完無左酒味，只有甜味，重有一舊帶點爽脆既白蘿蔔。師傅先將所有新鮮食材拎俾我地睇，之後先續一咁煮俾我地食。咁大個女都係第一次邊睇師傅煮邊食野❤️有視覺同味覺既享受！第一樣煮既係帶子，用帶子個殼放湯，用左高湯、豉油同新鮮紫菜煮湯，帶子煮到半熟，再打橫切一半再放落湯再煮滾，面頭放左紫蘇葉既花lum同三文魚籽，師傅話先食花lum清清味蕾再食帶子，帶子好鮮甜肉嫩，中間帶點半生熟，配埋三文魚子同湯一齊食好美味！食完重可以飲埋啲紫菜湯，不過略嫌鹹左少少。銀鱈魚同白甘鯛我地揀左waitress推介既白甘鯛，佢話較特別。師傅拎左個裝左油既LC淺鍋過黎，油啱啱蓋過白甘鯛魚，用焗既方式煮熟，魚鱗炸脆左連埋魚肉一齊食，魚味淡所以要連
坐低睇完menu，就決定揀食龍蝦🦞既二人前。waitress首先送上前菜同沙律，
沙律好特別，除左有沙律菜重有冰菜同一塊蓮花莖，醬就用左芝麻醬。前菜既冬風螺甜甜地，用左日本豉油同酒煮，煮完無左酒味，只有甜味，重有一舊帶點爽脆既白蘿蔔。
師傅先將所有新鮮食材拎俾我地睇，之後先續一咁煮俾我地食。咁大個女都係第一次邊睇師傅煮邊食野❤️有視覺同味覺既享受！
第一樣煮既係帶子，用帶子個殼放湯，用左高湯、豉油同新鮮紫菜煮湯，帶子煮到半熟，再打橫切一半再放落湯再煮滾，
面頭放左紫蘇葉既花lum同三文魚籽，師傅話先食花lum清清味蕾再食帶子，帶子好鮮甜肉嫩，中間帶點半生熟，配埋三文魚子同湯一齊食好美味！食完重可以飲埋啲紫菜湯，不過略嫌鹹左少少。
銀鱈魚同白甘鯛我地揀左waitress推介既白甘鯛，佢話較特別。師傅拎左個裝左油既LC淺鍋過黎，油啱啱蓋過白甘鯛魚，用焗既方式煮熟，
魚鱗炸脆左連埋魚肉一齊食，魚味淡所以要連同黑松露枝豆薯蓉汁食，淡淡既黑松露味同好creamy 既枝豆薯蓉汁配搭得好好。
響螺切薄片，用牛油、豉油、高湯、黑椒同鹽快炒，煮到七成熟，
保留鮮甜味之餘重非常爽脆。
龍蝦🦞好生猛，煮之前重郁，師傅將佢放落鐵板慢慢煮到個殼變色後，
就拆左個殼，撩左佢龍蝦頭既膏，加高湯、豉油、海膽同牛油煮成汁，
龍蝦同樣煮到七成熟，
再加埋啲汁一齊快炒，肉質一啲都唔韌，非常爽彈鮮甜。
突然見到師傅拎左幾塊麵包出黎，
明明menu無寫，好驚喜🤣麵包用牛油煎香，再加砂糖煎到焦糖面，包既右下有「崟」既烙印。
另外個兩塊就無落砂糖，師傅就咁烘脆放左上碟，話等陣用黎索油。Waitress呢個時候拎左青檸啫喱，俾我地用黎清清味蕾，酸mei mei好清新！好好食，好天然！
師博跟住拎大塊和牛山黎，
一開始用和牛本身既脂肪煎出油再煎塊和牛，佢問我地要幾成熟，我地要五成。佢煎完兩邊，再切細舊，再煎埋另外個幾片，好仔細👏🏻咁就完成，放上塊麵包度，佢建議先食原味，先再點黑椒鹽或者燒汁。
肉質好軟腍，油脂比例平均，入口充斥住牛油香，我比較鍾意乜都唔點，嗒真和牛本身既味道。
Waitress又送黎鯛魚湯，一打開見到非常奶白，一定好濃魚味！飲一啖😍嘩！好正！湯比較傑身，真係超濃鮮魚味，無乜調味料，純粹係魚本身既甜味，有少少豆腐同菇。
食完海鮮之後，師傅炒飯俾我地，佢先炒香左洋蔥、紅蘿蔔同櫻花蝦，然後放埋一邊，落飯加蛋炒到乾身，
再落鹽、黑椒、豉油調味，最後加返其他配料同蔥花炒埋一齊，好香蔥花同櫻花蝦味，十分鍾意佢炒到粒粒分明！
而且食完個碗係一啲油都無！好犀利！！👏🏻👏🏻👏🏻
最後一道係炒椰菜，用高湯、麻油炒香，再用黑椒同鹽調味，清甜爽脆👍🏻
當然重有甜品作結先完美🤣甜品有雪糕🍦同3.6牛乳奶凍🥛🍮，我揀左番薯味雪糕🍠🍦，
估唔到係紫色💜！好香好似食緊燴番薯咁。fiancé既奶凍超勁奶味，上面有啲紅豆，夾埋一齊食增添層次。
呢餐真係好滿意！大開眼界同「食」界🤣🤣多謝fiancé 俾我呢個驚喜！
張貼
