PokéToké

營業中

休息中

平時健完身都會為自己食啲咩而煩惱，因為要諗各種卡路里問題但又會想飽肚，自己煮又煩又唔平，咁岩今日同樣健開身既朋友介紹話可以試下呢間，咪去試吓睇吓咩料，老實講間鋪都幾逼唔大，多過4位都幾難等位，店員唔多大概5個左右，我就自選左個poke，有三文、枝豆、菜同飯，有少少口痕所以加多左個糖心蛋，上到黎份量比想像中既多，賣相都唔錯，個糖心蛋好靚👍🏻👍🏻，入哂味好好食，因為個飯冇汁又唔得怕熱量超標所以我係叫另上汁，餐廳雖然細但都幾忙，店員幾乎跑咁濟，不停咁轉，我第一次黎唔知係自助斟水，所以叫左店員要水，佢都好好雖然忙叫我等等但都斟左俾我，係後來見到啲人自己斟先知係自助，有少少唔好意思，隔離枱想要多汁佢地都會加俾佢地，雖然好基本，但係咁忙既情況下都算係咁，仲要冇加一（係埋單個下先知）冇加一既餐廳香港已經少之又少，試問有加一既餐廳又有幾多做到呢啲基本野。店員都比較後生，令到間店都幾有活力，不時都會有笑聲，個氣氛都洋溢住歡樂，令到你食餐飯都唔會死氣沈沈，睇得出佢地都幾鍾意份工作，好少見香港既餐廳會咁。整體黎講服務唔錯，野食ok，價錢可以接受，對於我呢d健身人士又飽肚，味道唔dry，解決到熱量同各種營養，