影片
更多
2023-06-18
51 瀏覽
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧又到左一年一度嘅周年紀念日，於是乎我就搵左一間以羅馬葡萄酒之神命名嘅法國菜《Bacchus》。夠膽用酒神命名，全因餐廳靈魂人物Hervé係ASI評級為世界最佳侍酒師第三名。除咗酒之外，餐廳仲更加引入左多款亞洲食材，配合法國嘅傳統烹調手法，務求令到食客有耳目一新嘅感覺。首先當然要開番支酒，我自己就鍾意飲白酒。店員就介紹左Patrick Javillier Bourgogne Cote d'Or Cuvee des Forgets比我，非常容易入口，有果香和花香味道，酸度適中。Gougere 打頭陣嘅係法式咸點，用左24個月嘅Comté cheese，口感有啲似泡芙。5-course tasting menu Le Cigar開頭見到Cigar依個字，我都唸唔到係食啲乜。原來佢係雪茄造型嘅和牛他他，面頭放滿三文魚籽和金箔，盡顯矜貴。內層嘅和牛他他仲有煙熏味，真係有啲似食緊雪茄。La BoiteBoite法文有box嘅意思，同樣睇字面上估唔到菜式。店員提住一個金色嘅細箱，然後細箱再左右推開，就會見到Royal caviar club嘅黑魚籽。
又到左一年一度嘅周年紀念日，於是乎我就搵左一間以羅馬葡萄酒之神命名嘅法國菜《Bacchus》。夠膽用酒神命名，全因餐廳靈魂人物Hervé係ASI評級為世界最佳侍酒師第三名。除咗酒之外，餐廳仲更加引入左多款亞洲食材，配合法國嘅傳統烹調手法，務求令到食客有耳目一新嘅感覺。
首先當然要開番支酒，我自己就鍾意飲白酒。店員就介紹左Patrick Javillier Bourgogne Cote d'Or Cuvee des Forgets比我，非常容易入口，有果香和花香味道，酸度適中。
Gougere
打頭陣嘅係法式咸點，用左24個月嘅Comté cheese，口感有啲似泡芙。
5-course tasting menu
Le Cigar
開頭見到Cigar依個字，我都唸唔到係食啲乜。原來佢係雪茄造型嘅和牛他他，面頭放滿三文魚籽和金箔，盡顯矜貴。內層嘅和牛他他仲有煙熏味，真係有啲似食緊雪茄。
La Boite
Boite法文有box嘅意思，同樣睇字面上估唔到菜式。店員提住一個金色嘅細箱，然後細箱再左右推開，就會見到Royal caviar club嘅黑魚籽。然後箱子底層仲有專屬嘅開罐器，成個感覺好fancy。黑魚籽充滿海水嘅咸鮮，入口即溶。
Pre-main
Ham Risotto
用左貝殼做碟，面頭係5J級別嘅黑毛豬火腿，充滿咸香，同底層幼滑嘅意大利飯好夾。
Main
Le Ravioli
睇個樣就知係意大利雲吞，廚師每日新鮮製作。雲吞內餡係新鮮龍蝦肉和蝦肉，龍蝦汁亦都令到鮮味提升到另外一個層次。
La Poitrine De Porc
使用左肥瘦適中嘅豬腩肉，用左紅四川醬上色，令到肉質更加有光澤。豬腩肉面頭經過煎香，食落啖啖肉香，而紅蘿蔔泥亦都可以中和一下油膩感。
Pre dessert
係一杯香檳雪葩，為下一道甜品做準備。
Dessert
Les Crepes Mademoiselle
好驚喜大廚問我想唔想落手煮依度法式crepe，咁好嘅機會一定要把握下。首先先煮溶沙糖，再依次放入crepes、橙酒、橘子皮、牛油。煮到差唔多嘅時侯就可以點火，等收細火就可以食。味道充滿橙香好開胃。
Le Rhum Baba
傳統法式甜點，廚師會淋上冧酒糖漿去蛋糕度，面頭放上raspberry、食用花和金箔做裝飾。蛋糕口感鬆軟，吸收完糖漿又有啲濕潤，充滿淡淡酒香。
如果唔想錯過其他好介紹，記得follow我呀😘多謝大家！！！
你嘅支持就係我嘅動力！記得點讚❤️
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
Bacchus Wine & Restaurant (上環)
上環荷李活道233號荷李活商業中心3樓
୨୧┈┈┈┈┈┈┈┈┈┈┈┈┈┈┈┈┈┈┈┈୨୧
張貼
