焱丸水產

營業中

休息中

呢間日本餐廳裝修別樹一格，幾有日本居酒屋嘅感覺，食飯都食得投入啲。今次同朋友食咗都好幾款菜式，包括蟹味噌甲羅燒，店員喺我哋面前親身幫我哋燒，感覺好有儀式感，而且有店員親自掌握火候都食得特別放心，味道香濃好味跟住再食咗紫菜魷魚鬚天婦羅，炸得幾香脆好味，魷魚夠大份，配合紫菜天婦羅去製作個味道相得益彰，開胃惹味。見好耐冇飲酒，就叫咗一杯冰菠蘿燒酎，味道幾好入口，最緊要佢入邊仲有成大條菠蘿俾我慢慢食，有得食有得飲幾過癮。之後食咗特上壽司盛合同鯛魚油甘魚刺身，我都幾鍾意有唔同嘅壽司可以俾我嘗試，壽司盛盒就滿足到我嘅選擇，整體而言飯同埋肉嘅比例恰當，刺身亦新鮮。好耐冇食過海葡萄啦，喺呢度有機會食到特別開心，我最鍾意點豉油食！跟住再嚟1份帶子磯繞同埋,三文魚籽帆立殼燒，始終我對食燒物係最鍾意同好有興趣，見到店員好用心機幫我地燒，而且燒個陣好香都已經流晒口水，食落材料新鮮，火候恰到好處，三文魚籽帆立殼燒比我想像中更好食，醬汁惹味，食完一個都想再食多一個。