雞駅花膠雞米線專門店

營業中

休息中

呢間花膠米線之前上網已經話駱駝漆嗰邊好出名，上次本身想試吓，但係實在太多人排隊所以放棄，今日去開觀塘搵一搵原來佢哋開咗分店，我同婆婆避開食lunch嘅時間，果然唔使排隊直入，呢間分店仲要地方大啲，坐得舒服啲。咁我哋當然都係食最出名嘅花膠雞米線，冇得比較兩間分店嘅分別，但係我覺得都真係幾好食，最重要係個湯唔係死味精，而係真係有雞味，仲要花膠有咬口，我個碗轉咗雞髀，個雞好腍好滑，但就算婆婆嗰碗係雞胸雞翼，估唔到都一樣好腍，婆婆都食到所以佢都非常滿意！小食都做到同樣出色，嗌咗椒鹽豆腐，真係新鮮炸氣，外脆內軟，辣辣地非常惹味，我哋因為下午茶時間嚟食，埋單嘅時候仲可以玩一次夾公仔，又俾我咁好彩夾到，下次嚟就可以免費食小食，yeah!