翠林辣蟹舫

早排系網上見到一直想試好耐嘅網紅蟹店呢期有個好抵嘅promotion，最出名嘅炒蟹同部份菜式做緊半價優惠🤩咁抵唔係唔試丫🤣小妹梗係即刻過去試吓喇😬我地食左：⬇️⬇️✨避風塘炒蟹✨$344 隻蟹🦀️比我想像中大隻同厚身😍，絕對貨真價實，足餐牌寫明嘅斤二兩❗️加上佢味道鮮甜，肉質又細嫩，一食就知係新鮮蟹👍🏻有埋避風塘嘅加持，更加惹味😎最抵讚嘅係，上枱果下廚房已經將佢斬得好細件同埋扑好哂d殼，等我地食個下唔使搞到揦手唔成勢，隻手油笠笠👍🏻👍🏻👍🏻呢件事好加分‼️✨黃金流沙蝦球✨$48 @隻已經起晒肉嘅金黃蝦球爽滑幼嫩，炸皮亦都唔會好厚，吸收晒鹹蛋黃嘅鹹香，香脆可口🫶重點仲要好大隻，食一隻已經飽咗一半😂✨拍蝦香芋娃娃菜✨$138加入咗蝦乾嘅湯底鮮味強勁，用佢嚟煮娃娃菜同芋頭，令到原本好普通嘅食材變到好有驚喜‼️✨食神炒飯✨$188加入咗雞蛋、蝦仁、豆角、魚籽、蔥花、糙米等大量配料嘅食神炒飯，豐富又實在，啖啖都食到好多料😋加上佢炒得好乾身，d飯粒粒分明，完全唔會覺得有油膩感‼️仲要擺到成條鯉魚咁先上枱，認真好睇又好食，唔怪得咁多人食😜聽講餐廳每個月仲會更新其他優惠菜式‼️好期待下次過嚟又有咩優惠🤓🦀️翠林辣蟹舫📍