影片
更多
2025-02-18
188 瀏覽
我心目中嘅冬甩，都係中間有個窿？所以我認為食冬甩嘅時候，總會有啲空虛感。呢間嘅冬甩，中間係冇窿嘅，正式填補我嘅心靈，而且唔止咁簡單，佢入面嘅忌廉餡，直頭係豐富我嘅內心。我係誇張咗啲，但事實上，佢係傳統嘅甜甜圈加入咗唔同嘅口味喺中間，的而且確係比就咁油炸，再沈上一啲糖，或者類似朱古力coating來得更有口感，又減少油膩嘅感覺。 🍖講番我揀咗四樣口味，同好多香港人一樣，我選擇相對傳統既吉士同抹茶味，冇計啦，吉士配合咩甜品都咁正，清新嘅黃色，帶出蛋香同奶香，配合外層仲加咗一浸糖衣，相信冇人可以抗拒到。抹茶口味亦都係香港人最愛之一，抹茶嘅味道好香濃，入面嘅忌廉，超級柔軟，所以抹茶嘅味道可以迅速滑到味蕾，然後擴散開去。 🍖我又揀咗針對自己嘅喜好嘅兩種口味，芝麻同埋花生醬，芝麻嘅黑色，其實好吸引，尤其系切開中間見到個黑色忌廉有啲反光閃令令，唔知點解特別流曬口水。而花生醬，係先入為主嘅印象之下，本來係會覺得佢比較結實，點知一樣咁輕盈，但係個口味就同傳統花生醬一樣咁rich。總括嚟講，呢度嘅口味多樣化，無論揀大路定係小眾，都同樣出色。 🍖佢哋嘅冬甩除咗有傳統size，其實仲有mini size，而且
🍖講番我揀咗四樣口味，同好多香港人一樣，我選擇相對傳統既吉士同抹茶味，冇計啦，吉士配合咩甜品都咁正，清新嘅黃色，帶出蛋香同奶香，配合外層仲加咗一浸糖衣，相信冇人可以抗拒到。抹茶口味亦都係香港人最愛之一，抹茶嘅味道好香濃，入面嘅忌廉，超級柔軟，所以抹茶嘅味道可以迅速滑到味蕾，然後擴散開去。
🍖我又揀咗針對自己嘅喜好嘅兩種口味，芝麻同埋花生醬，芝麻嘅黑色，其實好吸引，尤其系切開中間見到個黑色忌廉有啲反光閃令令，唔知點解特別流曬口水。而花生醬，係先入為主嘅印象之下，本來係會覺得佢比較結實，點知一樣咁輕盈，但係個口味就同傳統花生醬一樣咁rich。總括嚟講，呢度嘅口味多樣化，無論揀大路定係小眾，都同樣出色。
🍖佢哋嘅冬甩除咗有傳統size，其實仲有mini size，而且做緊買三送一，不過可能太好賣，我去到嘅時候已經sold out。另外，除咗冬甩，佢哋又有muffin啊,牛角包啊咁，下次我都要去試埋呢幾樣！
張貼
