影片
更多
2023-08-03
1353 瀏覽
麗晶未正式重開餐廳就試業, 差不多所有飲食youtubers都輪流朝聖, 但吹棒愈大失望愈大, 整體而言食物我只會俾80分.酒店外觀: 麗晶係童年時代既五星酒店, 印象就係高貴奢華. 但重新裝修既麗晶, 外觀好boring, 令我想起政府合署. 入到酒店亦無奢華感覺, 都係平平實實既裝修, 令我好驚訝. 港畔餐廳就係一間普普通通既西餐廳, 唯一賣點應該係海景.食物種類少: 食物分三大區, 沙律魚生海鮮, 熱葷同甜品, 食物泊在一邊, 由魚生區開始行, 無兩步就到熱葷區, 然後.....咁快到甜品?? 吓無架拿??? 必吃之選: 臨食飯前上影片分享網站再睇多次必吃之選, 人人都讚到天上有地下無既 toro剌身, 任筆既三文魚子, 多膏到爆既面包蟹, 即煮開邊龍蝦, 鮑魚花膠, 蒸海斑. 我原本下定決心以上食物要食至少兩轉, 但最後我都只食咗一轉, 面包蟹仲係痴人地攞咗少少膏就算(我麻麻地面包蟹), 只食一轉係因為本人其實胃口唔大, 真心覺得食物質素唔差, 但好到要狂食果隻就真係唔係, 除非心態只係一味要回本, 一定要狂食十轉八轉toro先叫抵, 就無嘢好講. 食咗一轉都飽就唔想飽到嘔咁折
酒店外觀: 麗晶係童年時代既五星酒店, 印象就係高貴奢華. 但重新裝修既麗晶, 外觀好boring, 令我想起政府合署. 入到酒店亦無奢華感覺, 都係平平實實既裝修, 令我好驚訝. 港畔餐廳就係一間普普通通既西餐廳, 唯一賣點應該係海景.
食物種類少: 食物分三大區, 沙律魚生海鮮, 熱葷同甜品, 食物泊在一邊, 由魚生區開始行, 無兩步就到熱葷區, 然後.....咁快到甜品?? 吓無架拿???
必吃之選: 臨食飯前上影片分享網站再睇多次必吃之選, 人人都讚到天上有地下無既 toro剌身, 任筆既三文魚子, 多膏到爆既面包蟹, 即煮開邊龍蝦, 鮑魚花膠, 蒸海斑. 我原本下定決心以上食物要食至少兩轉, 但最後我都只食咗一轉, 面包蟹仲係痴人地攞咗少少膏就算(我麻麻地面包蟹), 只食一轉係因為本人其實胃口唔大, 真心覺得食物質素唔差, 但好到要狂食果隻就真係唔係, 除非心態只係一味要回本, 一定要狂食十轉八轉toro先叫抵, 就無嘢好講. 食咗一轉都飽就唔想飽到嘔咁折墮(講開又講, 中段去廁所排隊真係聽到入面有人係度嘔.....)
服務: 都係酒店服務水平, 有禮, 密密換碟, 人手算OK, 但無出現youtuber講果種出完去一轉連刀义都換過哂乾淨果種.
整體黎講, 呢度自助餐真係俾人吹得太大, 我網上訂位, 都唔係一號入去同人搶果種, 係過咗一號入去睇下仲有無位,平常心有就有無就算, 竟然仲有喎....嗯, 係咪有少少古怪呢?? 而當晚其他食客亦唔係特別狂攞狂食果種, 剌身區成日都無人排隊, 未到8點已經好多人攞甜品(我食果晚唔使分時段). 咁既價錢($888+ free flow champagne $438), 我覺得半島食物真係精緻好多, 而且半島環境...唔使講啦. 所以下次都應該唔會揀呢度了.
題外話/補充資料：
AE卡有85折
(以上食評乃用戶個人意見 , 並不代表OpenRice之觀點。)
張貼
