方榮記沙嗲牛肉專家

營業中

休息中

今日同同事farewell ，於是book咗呢間試下，一去到安排我哋坐最裡面嗰張枱，行到發覺張枱貼住好污糟嘅牆，已經要求坐第二張，點知個亞姐話另外嗰張係十幾人坐嘅，咁我哋就照坐返原本安排好的枱，其實個環境有啲差囉，已經感覺唔多好！但我哋食到一半發現另外嗰張枱嘅客人入座後亦都係同我哋一樣係7個人囉，又話坐十幾個，擺明喺等我哋坐污糟嗰張先，否則無人坐。到我哋叫嘢飲，叫完後發覺原來有支裝汽水，就叫亞姐幫我哋換，點知嗰個亞姐d眼神十分不願意及不友善，換支嘢飲就好似要殺人咁款。至於食物方面 ，牛肉還可以，只係可以，不是好好食嗰種，但$298/1碟又細碟 ，除咗炸魚皮同蝦好食，其他食物都係一般，鵝腸淡而無味，餃類唔好食，就好似出面任食嗰d質數。我之前已經睇咗都有好多劣評，亦都有好多好評，我依家終於知道好評都好可能係打手囉，呢間一定無下次！