影片
更多
2021-03-14
1092 瀏覽
聽人講呢間野價錢唔貴，諗住嚟試吓食。所以早兩個月上網book左位。去到以為會全場爆滿，但係冇乜人。滿心歡喜，叫咗幾道菜。其中一個係西班牙炒飯，問個侍應，三個人應該叫大定係細，佢淨係話”我唔知你哋食幾多野喎” 。到最後都係冇俾個實質意見我哋。係嘅，佢唔知道，但係我期望佢嘅服務會係可以主動話俾我哋知大嘅份量有幾多，同埋細嘅份量有幾多，因為始終呢間都係六星級酒店。呢度同我喺其他酒店餐廳食嘅服務差少少。第一道菜係茄汁安格斯牛肉丸，$110，四粒。唔係好大粒，一口size，味道正常茄汁味，沒有特別。第二道菜係藍鯨吞拿魚ceviche。$180。份量大約三啖。Ceviche係秘魯名菜，即是檸汁醃魚生。我叫之前係諗住呢道菜嘅味道會係酸酸尾尾開胃，點知原來係咸嘅，睇返個菜單原來佢係用咗豉油去做。同埋佢賣相真係好一般，味道就好似吞拿魚刺身點咗好多日本豉油，咸。加埋牛油果佢就好似沙律咁，一啲都唔似食緊ceviche。失望！第三道係薯條，$60，份量大約一杯水，普通西餐廳質素。第四道菜主角，西班牙炒飯(大)。$180。一上枱見到佢濕濕地，感覺已經好似伏伏地。食落真係唔掂，濕到好似食緊risotto咁。同個侍
滿心歡喜，叫咗幾道菜。其中一個係西班牙炒飯，問個侍應，三個人應該叫大定係細，佢淨係話”我唔知你哋食幾多野喎” 。到最後都係冇俾個實質意見我哋。係嘅，佢唔知道，但係我期望佢嘅服務會係可以主動話俾我哋知大嘅份量有幾多，同埋細嘅份量有幾多，因為始終呢間都係六星級酒店。呢度同我喺其他酒店餐廳食嘅服務差少少。
第一道菜係茄汁安格斯牛肉丸，$110，四粒。唔係好大粒，一口size，味道正常茄汁味，沒有特別。
第二道菜係藍鯨吞拿魚ceviche。$180。份量大約三啖。Ceviche係秘魯名菜，即是檸汁醃魚生。我叫之前係諗住呢道菜嘅味道會係酸酸尾尾開胃，點知原來係咸嘅，睇返個菜單原來佢係用咗豉油去做。同埋佢賣相真係好一般，味道就好似吞拿魚刺身點咗好多日本豉油，咸。加埋牛油果佢就好似沙律咁，一啲都唔似食緊ceviche。失望！
第三道係薯條，$60，份量大約一杯水，普通西餐廳質素。
第四道菜主角，西班牙炒飯(大)。$180。一上枱見到佢濕濕地，感覺已經好似伏伏地。食落真係唔掂，濕到好似食緊risotto咁。同個侍應反映下，點知佢話濕係佢哋呢度嘅style，不過佢話可以幫我哋再整乾身啲。大概等咗30分鐘之後，一碟全新嘅西班牙炒飯再次送上枱，今次望落係乾身左，點知食落好似煲仔飯咁，基本上全部都係飯焦。加上食落完全沒有海鮮味。份量亦只有四小碟，這已經叫大，如果叫細的話，份量可想而知有幾多。
本身諗住再嗌多啲食物，但係食完個西班牙炒飯之後決定埋單，唔會再有下次。名過於實。食物質素一般正常，沒有驚喜，諗住六星級酒店餐廳會有翻咁上下質素，完全係失望而回。服務幾好，但係都係沒有六星級酒店質素水準。
張貼
