炳記茶檔

營業中

休息中

成日都聽人講炳記係大坑嘅生招牌，基本上冇食過炳記等於冇嚟過大坑。今次專程到訪先發現其實有啲名過於實...一嚟到就見到一條好長嘅人龍，但係等位時間唔算耐，因為大家都係食完就即走🤣-我哋分別叫咗最出名嘅豬扒公仔麵再加多個奶醬多！奶醬多係幾好食嘅，食落夠晒脆口而且花生醬同煉奶都俾得好足🤩反而豬扒麵我就覺得其實好一般。啲面唔知係咪浸得太耐所以上枱一食嘅時候已經太過淋無晒口感😞豬扒食食得出係用咗好多醬料嚟醃嘅都算入味，但係口感我就覺得太過鞋，唔係我鍾意食嘅嗰款豬扒，食完之後都有少少失望覺得個豬扒麵太過名過於實😕