影片
更多
2021-05-27
117 瀏覽
完成三個鐘頭的考完試，下晝兩點九，已經好肚餓，在灣仔搵食，想食餐好啲慰勞下自己。尚青商號一直是我想去又未去的，趁過了午間繁忙時段不用排隊，正好試試這家久仰的台灣料理。裝修方面好企理，好有台灣特色，是打卡的好地方。兩層的店，樓下外賣，樓上堂食。眼見有大量充裕的人手，可能是過了繁忙時段，負責招呼的侍應顯得有點心不在焉，可能是他們未食飯罷。掃 QR code 用手機開始點餐，開始時餐牌明明是午市套餐，點到一半無法繼續完成，問侍應卻問著個唔識的。再問第二個先至知道原本剛剛過了下晝三點，無午市套餐供應。唯有問侍應換一個正常晚市餐牌係我啦，是的我唔問侍應係唔會主動換過個餐牌囉。是的下晝三點後沒有下午茶時段，價格同晚市一樣。Anyway 本來就打算食餐好的，也不想根根計較個價錢，即管照點了自己想吃的蕃茄半筋半肉幼麵 ＋ 古早味手工芋圓甜湯(熱)。先上桌的竟是甜品，馬上同侍應講主食未到，唔係甜品後上的嗎？侍應第一反應有點錯愕，之後都有禮貌的話幫我攞返入廚房，一陣再整俾我。蕃茄半筋半肉幼麵，跟來的還有三小碟：包括微辣的鹹酸菜、附幾條橙皮絲的雲耳、和好硬的三小片油炸鬼。先將三片油炸鬼放入湯麵中，吸了湯的油
裝修方面好企理，好有台灣特色，是打卡的好地方。
兩層的店，樓下外賣，樓上堂食。眼見有大量充裕的人手，可能是過了繁忙時段，負責招呼的侍應顯得有點心不在焉，可能是他們未食飯罷。
掃 QR code 用手機開始點餐，開始時餐牌明明是午市套餐，點到一半無法繼續完成，問侍應卻問著個唔識的。再問第二個先至知道原本剛剛過了下晝三點，無午市套餐供應。唯有問侍應換一個正常晚市餐牌係我啦，是的我唔問侍應係唔會主動換過個餐牌囉。是的下晝三點後沒有下午茶時段，價格同晚市一樣。Anyway 本來就打算食餐好的，也不想根根計較個價錢，即管照點了自己想吃的蕃茄半筋半肉幼麵 ＋ 古早味手工芋圓甜湯(熱)。
先上桌的竟是甜品，馬上同侍應講主食未到，唔係甜品後上的嗎？侍應第一反應有點錯愕，之後都有禮貌的話幫我攞返入廚房，一陣再整俾我。
蕃茄半筋半肉幼麵，跟來的還有三小碟：包括微辣的鹹酸菜、附幾條橙皮絲的雲耳、和好硬的三小片油炸鬼。先將三片油炸鬼放入湯麵中，吸了湯的油炸鬼又韌又難食；鹹酸菜就是最普通如即食包裝拆開倒出來的，當然份量好少；雲耳我完全食唔出咩味，橙皮絲只是裝飾。主角—＞蕃茄半筋半肉幼麵，第一塊肉連帶有筋膜，第一啖咬落只覺韌，好似未炆夠咁唔稔，第二塊剛巧無筋膜，稔啲。食完兩塊已經再找不到第三塊肉，牛筋也是只有兩塊。湯是最令我失望的，入面的確有有細碎的蕃茄粒，但全個湯都無蕃茄味，只有好鹹帶辣的味道，完全令我想避開唔想飲到。麵條也是貫徹之前的感覺，只能用煙韌來形容，當然有人特別喜愛這樣的，但不是我杯茶，又或者準確啲講，無麵條味不是新鮮有彈性那種煙韌，更似煮到半生熟那種。
未食麵之前叫侍應俾杯水我，食完麵杯水都未來，明顯無咗件事，唯有叫另一個侍應，今次個侍應好有禮貌，立即跟進，仲同我上埋個甜品。
古早味手工芋圓甜湯熱食，跟來有一小瓶花奶。平日我食糖水不喜歡加花奶，但這碗實在太甜，迫住要加花奶溝淡味道，但就算加入整瓶花奶都無補於是，太甜太甜太甜！這碗所謂的熱食，只不過是放入微波爐稍為叮熱，只得表面少暖，入面仍然是凍的。是的，真的凍的！台灣的芋圓通常是配仙草，但這個明顯是罐頭涼粉，罐頭形狀仍然鮮明清晰，質感是涼粉的爽口彈牙，而非如仙草般的軟滑口感。
整體嚟講是好失望的一餐，價錢一啲都唔平。好味的台灣料理在香港有好多選擇，我自己唔會返轉頭，更不會推薦囉。
題外話/補充資料：
溫馨提示，只收現金，無八達通，更加唔收信用卡
(以上食評乃用戶個人意見 , 並不代表OpenRice之觀點。)
張貼
