影片
更多
2019-03-31
1197 瀏覽
嚐囍都算係一間幾出名嘅米之蓮小食店，覺得朋友聽有介紹過呢間米之蓮小店，讚佢又抵食味道仲唔錯添星期六食完個早餐，晏晝都唔係好肚餓，下午茶時間諗住去飲個靚茶就諗起呢間小店啦望住點心Menu見到啲嘢食真係好平，小點先$10，特點都係$15咋即刻唔理好醜呀嗌番幾個點心試吓先<鹹水角$17> (好味:4/5) (抵食:4/5)鹹水嗰啲料都算幾多，糯米都整得好Q，熱辣辣咁樣幾好食<蜜汁叉燒腸粉$19> (好味:3.5/5) (抵食:4/5)叉燒腸腸粉都幾滑，但係叉燒唔夠多呀不過$19又真係幾抵<迷你馬拉糕$17> (好味:2.5/5) (抵食:3.5/5)馬拉糕質素真係麻麻，份量係幾大塊嘅，如果自己一個食食完即刻幾飽但係個馬拉糕冇咩味質地又硬bonbon，唔好食<流沙包$19> (好味:2.5/5) (抵食:3/5)流沙包都有馬拉榚佢同樣嘅問題，個包好實好硬，流沙唔流麻麻哋，得個甜字包類嘅食品都唔係好推介<鮮蝦燒賣皇$25> (好味:3.5/5)(抵食:3.5/5)鮮蝦幾彈口，豬肉都幾新鮮，呢個價錢呢個質素都算唔錯&#
星期六食完個早餐，晏晝都唔係好肚餓，下午茶時間諗住去飲個靚茶就諗起呢間小店啦
望住點心Menu見到啲嘢食真係好平，小點先$10，特點都係$15咋
即刻唔理好醜呀嗌番幾個點心試吓先
<鹹水角$17> (好味:4/5) (抵食:4/5)
鹹水嗰啲料都算幾多，糯米都整得好Q，熱辣辣咁樣幾好食
<蜜汁叉燒腸粉$19> (好味:3.5/5) (抵食:4/5)
叉燒腸腸粉都幾滑，但係叉燒唔夠多呀不過$19又真係幾抵
<迷你馬拉糕$17> (好味:2.5/5) (抵食:3.5/5)
馬拉糕質素真係麻麻，份量係幾大塊嘅，如果自己一個食食完即刻幾飽但係個馬拉糕冇咩味質地又硬bonbon，唔好食
<流沙包$19> (好味:2.5/5) (抵食:3/5)
流沙包都有馬拉榚佢同樣嘅問題，個包好實好硬，流沙唔流麻麻哋，得個甜字包類嘅食品都唔係好推介
<鮮蝦燒賣皇$25> (好味:3.5/5)(抵食:3.5/5)
鮮蝦幾彈口，豬肉都幾新鮮，呢個價錢呢個質素都算唔錯
<棉花雞$25> (好味:4/5) (抵食3/5)
棉花雞幾好食，冬菇、雞好淋，雞汁好鮮，棉花索哂d雞汁 o shiiiii
價錢公道，平價米之蓮餐廳，點心就唔係樣樣推介，避開包點其他都OK嘅
張貼
