影片
更多
2012-09-20
350 瀏覽
o係 facebook 見到有朋友慶祝生日o既相 , 可以要求o係鐵板燒寫上生日快樂 , 仲可以用炒飯o既材料 , 拼湊成一個公仔 , 生日主角邊食邊睇住師傳整由唔知咩事 , 到見到有公仔 , 己經會好開心 , 再繼而會寫埋字 , 一定好驚喜於是問左朋友係邊間鐵板燒 , 再作好準備 , 訂好位 , order 埋要邊個 set 多得 openrice , 我一早o係各食家o既食評度選好要咩 set , 到時可以 menu 都唔使拎 =)呢度都唔算難搵 , 我地o係灣仔修頓球場o個邊落車開始行 , 行左十五分鐘左右到左大樓外面 , 壽星女好快都估到我地係去呢間 " 秋田鐵板燒刺身專門店"入到去環境好清幽 , 每枱有六個座位 , 好似有個包廂咁 , 每六位一個鐵板師傳 , 我地坐o係師傳o既右方 , 雖然唔係最正中間 , 不過最後炒生日公仔飯時 , 中間位o既兩位外籍客人都好好咁讓位比我地影相 , 呢一餐對我黎講都幾滿意 =)未正式開始前 , 師傳先o係鐵倒上滿滿o既油 , 再鋪上蒜片 , 幾乎不停咁將其片一直炒起兜亂 , 慢慢變成香香o既蒜油及一堆脆脆o既炸蒜就o係呢個時間 , 待應為
仲可以用炒飯o既材料 , 拼湊成一個公仔 , 生日主角邊食邊睇住師傳整
由唔知咩事 , 到見到有公仔 , 己經會好開心 , 再繼而會寫埋字 , 一定好驚喜
於是問左朋友係邊間鐵板燒 , 再作好準備 , 訂好位 , order 埋要邊個 set
多得 openrice , 我一早o係各食家o既食評度選好要咩 set , 到時可以 menu 都唔使拎 =)
呢度都唔算難搵 , 我地o係灣仔修頓球場o個邊落車開始行 , 行左十五分鐘左右
到左大樓外面 , 壽星女好快都估到我地係去呢間 " 秋田鐵板燒刺身專門店"
入到去環境好清幽 , 每枱有六個座位 , 好似有個包廂咁 , 每六位一個鐵板師傳 ,
我地坐o係師傳o既右方 , 雖然唔係最正中間 , 不過最後炒生日公仔飯時 ,
中間位o既兩位外籍客人都好好咁讓位比我地影相 , 呢一餐對我黎講都幾滿意 =)
未正式開始前 , 師傳先o係鐵倒上滿滿o既油 , 再鋪上蒜片 , 幾乎不停咁將其片一直炒起兜亂 , 慢慢變成香香o既蒜油及一堆脆脆o既炸蒜
就o係呢個時間 , 待應為我地送上二人餐中o既頭盆 , 正式展開呢餐生日飯 ^^
1, 和風沙律~ 青瓜 , 車厘茄 , 粟米粒 , 生菜及紫椰菜等一般沙律材料
配上香濃且帶酸o既日式芝麻沙律醬 , 好味醒胃 , 是一個好開始 ^^
2, 魚子鵝肝蒸蛋~ 雞蛋放在小杯上 , 頂部開出一個洞 , 放入鵝肝 ,
小杯放o係鐵板上 , 熱力不足以從透過小杯令雞蛋蒸熟
師傳排好一杯杯小雞蛋 , o係鐵板上灑水, 再用蓋住 ,
如事者大約重覆三次 ? ( 唔肯定 ....... xp ) , 水份o係鐵板上蒸發
蒸氣就可以困o係蓋入面令雞蛋蒸熟 , 水份同時間都要控制得好好
檢視過雞蛋係熟喇 , 就入加魚子 , 賣相精美 , 雞蛋好軟滑
鵝肝幾乎全都溶化o係蒸蛋入面 , 十分甘香 , 魚子o既咸香亦當上好好o既調味
3. 鵝肝~ 見師傅排出一列多士 , 都知道係到鵝肝出場喇 , 都係我所期待之一
果然係有質素 , 兩面輕輕燒到脆身 , 唔會太乾又唔會好燶 ,
仍然可以見到滲出o既鵝肝油 , 鵝肝o既 size 同塊多士一樣 ,
輕輕咬下 , 內心好柔軟 , 味道濃到夾埋多士食都仲係齒頜留香 ,
認真絕讚 !! 正中間位置o既一對外國人仲 encore 左兩件添 !!
4, 鱈魚~ 因為我唔係太食鮑魚所以轉左一隻做鱈魚 , 睇落好唔抵,
不過唔轉又點知原來咁樣輕輕燒熟o既鱈魚係咁好食o家 !!
魚油香滑而不腥 , 成片都好香牛油味 , 魚肉鮮甜軟綿 ,
近乎入口即溶 , 最正係無骨 , 魚皮位無燒到脆邊 , 係唯一缺點
5. 活燒鮑魚~ 壽星女第一次睇活燒 , 鮑魚o係鐵板上扭動 , 掙扎 , 放下牛油 ....
鮑魚開始停止郁動 , 師傳加入胡椒 , 鹽來調味 , 再開始將鮑魚切片
就睇落刀o個下 , 都感受到鮑魚軟韌得黎充滿嚼勁 , 我試過一片 ,
鮑魚o既鮮味越嚼越甜 , 雖然我本身唔鍾意食鮑魚 , 都覺得唔錯
壽星女 ? 未就係不停話好好味囉 , 熟左縮細左之後份量剛合一人用
6.活燒龍蝦~ 龍蝦比我想像中大隻 , 師傅先將原隻放上鐵板讓佢掙扎一返
睇住佢 d 腳同觸鬚不停擺動直至佢變得僵硬無力到完全靜止
師傅動刀將龍蝦頭切下 , 並將龍蝦頭可以食用o既部份 " 不 " 起
龍蝦頭放置一旁棟企咁燒 , 然後再拆下龍蝦身o既肉 , 加入牛油 , 蒜蓉
好香 !!! 調味完成後 , 再將剛才o係龍蝦膏好似汁咁淋上龍蝦肉 ,
兜勻後上碟 , 香氣四散 , 實在太正喇 !!!! 每人半隻 , 得幾舊肉 , 真係唔係幾夠喉
好鮮味 , 牛油蒜蓉味過後 , 就係龍蝦o既甜味 , 肉質彈牙又無筋 ! 超正 !!
接住到龍蝦頭 , 師傅淋上應該係白酒之類 , 整個龍蝦頭著左火 , 就係咁樣燒一燒之後 , 個頭就比人送左入廚房 , 無幾耐 , 待應就送上兩碗清湯
當然裏面放左我地個龍蝦頭啦 , 個湯好清甜 , 有少少海苔味 ,
龍蝦頭仍然黏住少許肉同膏 , 食完一輪濃味o既野之後呷下呢碗湯 , 好舒服 =)
7. 薄燒牛肉
~ 己經唔記得呢塊牛肉係咩名堂 , 師傅點上少量蒜油 , 放上牛肉
調味 , 加上蔥花 , 脆蒜片 , 好快就將佢捲起 , 可見牛肉外面熟裏面仲生
配上少少甜o既燒汁 , 牛肉味唔夠蔥蒜搶鏡 , 薄片o既牛肉入口後好快消失
輕輕滲左牛肉味o係味蕾之後 , 好快就輪到又爽又脆o既蔥蒜衝擊而來 ,
好香好好味 , 三小件好快就食晒 , 不經不覺 d 野都就快上晒喇 ......
8. 生日炒飯~ 重頭戲開始 , 我好緊張囉 @@" 首先放飯 , 炒左一陣就開始砌個外型
然後上色 , 用料包括蔥花 , 黑魚子 , 櫻花蝦 , 煙片碎 , 越砌越見到樣喇 ....
壽星女估係 rabbit ... 再睇睇下就見到隻豬仔喇 , 就o係大家努力影相之制
師傅o係旁邊用兩個鐵剷夾起雞蛋 , 拋高然後用一塊鐵剷打直咁接住雞蛋於是雞蛋就攝住左o係鐵剷上 , 蛋汁亦除之由鐵剷邊緣漸漸流出 ,
呢個時候大家都有 d 目定口呆 , 師傳反方向咁寫出生日快樂 happy birthday
恕我地大驚小怪大鄉里出城細路仔唔識世界 , o個刻我可能仲感動過生日o個個
呢個豬仔生日快樂 , o係我地影完相之後就兜返暈 , 變成六碗炒飯 ,
都幾好味o家 , 好多櫻花蝦 , 仲有魚子卜卜脆咁 , 煙肉同蔥花較少
炒得唔錯 , 無乜油 , 而且o係鐵板上咁耐 , 好乾身好一粒粒 , 食完飽晒
9. 紅豆雪糕 , 綠茶雪糕~ 尾聲o既甜品上場 , 兩種口味雪雪糕各選一球 , 紅豆偏重奶味
綠茶雪糕味道唔錯 , 夠香濃而唔會太甜 , 兩種溝埋就最好味 ^v^
## 呢一餐埋單唔平 , 但論環境 ,服務 , 氣氛 , 以及最重要o既食物質素 ,都相當良好 , 能夠配合我心中所想 , 營造到同我事前幻想有 99% match
又開心又驚喜又好味o既生日飯 , 娘 d 講句係有錢都未必買到o家 ,
所以o係呢度想多謝當晚o既鐵板燒師傳 , 我覺得你地份工好偉大呀 !!!
張貼
