雪下覓炙

營業中

休息中

今日試吓海港城新開的韓燒餐廳。餐廳常常full book, 今日等左25分鐘，終於可以入座。餐廳的裝修富現代感，以木條疊架做天花，把一張張的四人枱座連結一起，坐得幾舒適。韓式午餐有十三款，價格由$88至$256；另有烤肉午餐，由$215-$398。今日試下名品牛肋骨煲配飯$128。先送上韓式前菜：翠玉瓜、泡菜、豆腐、芽菜、秀茹。估唔到一個人，都有五款前菜！這些前菜是正常水準涼菜，無特別之處，但喜歡泡菜唔太辣，容易入口。名品牛肋骨煲配飯牛肋骨煲賣相精美，牛肋骨大大件，有成四件。牛肋骨炆得軟硬適中，帶一點肉味，唔太瘦，肉質唔韌，但算不上軟腍，帶少少肉的彈性，又有少少肉脂，輕輕的甜味，主要是牛肉味為主。配菜還有南瓜、蘿蔔，配上白飯，十分飽肚。這一天的韓式午餐十分飽足，雖為韓燒餐廳，但通風不錯，沒有太大氣味，下次試一下燒肉。