影片
更多
2021-10-13
254 瀏覽
呢間專食🥘正宗重慶麻辣火鍋嘅「劉一手」係今年捲土重來，選址係九龍塘又一城商場裡面重開，地點幾方便就腳。朋友試過後話幾高質，今次再一齊去食，所以都有滿滿期待感。全店裝修用咗非常有傳統京劇味道嘅設計，大紅色嘅玻璃加木製傢俬，幾有特色，而家座位闊落，坐得鬆動。調味料方面，每枱都會有一個調味架提供，上面都係一般火鍋店會提供嘅蔥蒜醬油等等。而佢另外每位都會有提供一罐即棄罐裝香油，據聞香油嘅作用係可以保護返個胃，有層油隔住唔駛咁傷胃，又有潤喉作用，中和返啲辣度。店鋪亦貼心地準備咗即棄圍裙，唔駛俾辣油彈到👍🏻湯底係火鍋嘅靈魂，佢呢度最犀利當然係「招牌麻辣火鍋」，據聞湯底用咗牛油脂肪，貢椒等加埋十幾種藥材同香料炮製嘅，但因為唔係個個都食辣，所以我哋都叫咗鴛鴦湯底：🔹招牌一手辣方麻辣紅油湯底 ($𝟗𝟖/半鍋)：佢有得揀辣度，加一個辣度就+$10，上次朋友試過2隻辣椒唔夠，所以今次挑戰3個辣椒🌶🌶🌶！麻辣湯底係用麻辣磚，慢慢融化。我食唔到辣，只係試咗一啖，覺得非常之辣🥵！朋友就話愈食愈過癮，唔會得死辣味道，麻味夠重，辣得嚟溫和之餘，辣味同香味都平衡得好好。🔹鮮蕃茄濃湯($𝟖𝟖/半鍋)：唔食辣嘅我，專攻佢嘅
調味料方面，每枱都會有一個調味架提供，上面都係一般火鍋店會提供嘅蔥蒜醬油等等。而佢另外每位都會有提供一罐即棄罐裝香油，據聞香油嘅作用係可以保護返個胃，有層油隔住唔駛咁傷胃，又有潤喉作用，中和返啲辣度。店鋪亦貼心地準備咗即棄圍裙，唔駛俾辣油彈到👍🏻
湯底係火鍋嘅靈魂，佢呢度最犀利當然係「招牌麻辣火鍋」，據聞湯底用咗牛油脂肪，貢椒等加埋十幾種藥材同香料炮製嘅，但因為唔係個個都食辣，所以我哋都叫咗鴛鴦湯底：
🔹招牌一手辣方麻辣紅油湯底 ($𝟗𝟖/半鍋)：
佢有得揀辣度，加一個辣度就+$10，上次朋友試過2隻辣椒唔夠，所以今次挑戰3個辣椒🌶🌶🌶！麻辣湯底係用麻辣磚，慢慢融化。我食唔到辣，只係試咗一啖，覺得非常之辣🥵！朋友就話愈食愈過癮，唔會得死辣味道，麻味夠重，辣得嚟溫和之餘，辣味同香味都平衡得好好。
🔹鮮蕃茄濃湯($𝟖𝟖/半鍋)：
唔食辣嘅我，專攻佢嘅蕃茄湯底˙𐃷˙！個人覺得相當出色，裡面有齊蕃茄，薯仔，紅蘿蔔等，而且相當濃郁，唔係好水好稀嗰啲湯底，好啱怕熱氣同埋食素嘅朋友仔，
個人感覺火鍋配料好多都大同小異，只要係新鮮嘅話，基本上都唔會太難食。而呢度都做得唔錯，無論係餃類或肉類等都係新鮮高質，無雪藏味等等。以下有三款個人覺得必食：
🔹一手醬油醃製豬肉片($𝟗𝟖）：
用咗豬五花，雖然薄身，但係一入口覺得油花感好重，而且的確有花功夫醃製過，即係浸完湯底後，仍然食到豬肉片醃咗嘅味道，有驚喜。
🔹栗米($𝟒𝟐)：
個人食火鍋時必叫一定係栗米，間餐廳如果栗米夠甜，連埋湯一齊食係相當好味。呢度一份大約有6-7舊左右，份量足夠，而且好甜，加埋落蕃茄湯索汁係相當好味，如果鐘意蕃茄湯嘅朋友不妨試試。
🔹寬粉($𝟑𝟖)：佢嘅寬粉係幾特別嘅，好多地方食嘅寬粉係比較有韌力，但呢度係一咬就斷，又相當之滑，吸哂湯汁嘅精華，一流。
佢呢度另外仲有一啲特色飲品，例如野生雞骨五花蜜，竹蔗馬蹄水等等都係勁解辣又幾大杯嘅，朋友食到勁辣時，飲咗啖即刻超舒緩(*´◡`)
整體嚟講，火鍋最重要嘅湯底，無論係麻辣定係蕃茄湯，呢度都做得好高質同埋有特色，嗜辣同埋怕辣嘅朋友都可以同時享受，而且各樣食物都做得唔錯。
張貼
