影片
更多
2022-12-03
432 瀏覽
傳說中嘅炭火雞串燒真係唔係浪得虛名，點咗幾款雞嘅串燒都真係好好味，完全感受到雞肉點樣打贏牛肉。😆甘口唐揚炸雞翼 $60呢個炸雞翼好出色，炸到外脆內軟，一咬落去雞油同肉汁就湧出嚟，配埋咸咸甜甜嘅醬油，好滋味喎。雞腿串燒 $45嫩、滑、juicy簡單幾隻字完美表達呢串串燒有幾好食，雞皮亦燒到脆卜卜，夾著微微碳燒香味，好好味呀！😋免治雞肉 $45免治雞肉串味道唔錯，中間有啲軟骨增加咗口感，正常發揮。雞尾 $38雞尾其實即係雞pat pat，簡單講係滿滿嘅脂肪，而呢個雞尾燒得好香，食落少少脆身，油膩感唔算好重唔錯。牛舌 $40一串有3塊，牛舌上鋪滿新鮮蔥花，牛肉味算濃，整體厚度適中，食落帶點嚼勁。銀杏 $35銀杏粒粒好飽滿，帶微微甘甜，個人幾喜歡。食後感係果然一分錢一分貨，而食完係會重新對雞肉有一份期待。😆
甘口唐揚炸雞翼 $60
呢個炸雞翼好出色，炸到外脆內軟，一咬落去雞油同肉汁就湧出嚟，配埋咸咸甜甜嘅醬油，好滋味喎。
雞腿串燒 $45
嫩、滑、juicy簡單幾隻字完美表達呢串串燒有幾好食，雞皮亦燒到脆卜卜，夾著微微碳燒香味，好好味呀！😋
免治雞肉 $45
免治雞肉串味道唔錯，中間有啲軟骨增加咗口感，正常發揮。
雞尾 $38
雞尾其實即係雞pat pat，簡單講係滿滿嘅脂肪，而呢個雞尾燒得好香，食落少少脆身，油膩感唔算好重唔錯。
牛舌 $40
一串有3塊，牛舌上鋪滿新鮮蔥花，牛肉味算濃，整體厚度適中，食落帶點嚼勁。
銀杏 $35
銀杏粒粒好飽滿，帶微微甘甜，個人幾喜歡。
食後感係果然一分錢一分貨，而食完係會重新對雞肉有一份期待。😆
張貼
