劉興記生煎包專門店

營業中

休息中

終於試到網上超熱門嘅餐廳，劉興記！劉興記主打平靚正嘅上海菜！最吸引我嘅係任飲豆漿，一入座就有清涼嘅豆漿任你飲，豆漿嘅豆味濃郁，唔會太甜，飲幾多都唔會膩，真係一個加分位！首先，點咗一份必點嘅招牌生煎包，皮脆餡多，底部煎得金黃香脆，咬落去仲有好多湯汁滲出嚟，食落除咗有豬肉味，唔知係咪仲有啲牛肉係入面，肉味好豐富，好滿足！。另外，原味上海小籠包皮薄餡靚，上枱熱騰騰，一口啜哂啲湯汁，品嚐鮮味，終於知道點解依間餐廳咁出名。而麻醬青瓜雞絲粉皮嘅粉皮夠滑，麻醬濃郁但唔會太膩，配埋爽口嘅青瓜同雞絲，一啖落肚真係好清新又開胃，而且份量亦好大碗，兩個人食都夠哂！最後試咗佢嘅雞絲酸辣湯，酸辣湯嘅酸味剛剛好，辣味中等啱晒香港人口味，加埋雞絲更加有層次感，幾有驚喜！