影片
更多
2024-02-13
59 瀏覽
今日約咗朋友去睇寵物用品，原來我哋大家都未食早餐，但係時間已經係中午啦。正所謂得閒飲茶，於是我哋就搵咗呢一間中菜試吓。首先我哋去到門口，就已經感受到有層次，而且設計帶有神秘感，加上美感，淨係睇啲海鮮嘅魚缸能夠完美咁融合喺個設計入邊，就已經覺得好有心思。門口位置仲有一個圓形嘅裝飾位好適合同朋友影相留念。說時遲那時快我同我朋友都已經好肚餓啦，我哋快快手坐低，就開始叫嘢食。我哋一共叫咗八樣食品。❣️水晶蝦餃皇面層有啲金色嘅裝飾，外面嘅皮又薄又煙靭，而且啲蝦好新鮮爽口彈牙❣️石燒板麻辣羊肉烤包上菜嘅時候好有儀式感啊，侍應會腍啲執上去，然之後個鐵板會吱吱作響，而且入面嘅麻辣香味唔會搶走咗外皮嘅香脆同埋啲肉汁嘅味道❣️焗12頭鮑魚牛肝菌盞（隻）上枱嘅時候就已經好氣派，有啲食用金箔喺面，下面係香菇，跟住就係大大隻嘅鮑魚，鮑魚入口好香冬菇味呀超濃香嘅冬菇汁，鮑魚入口彈牙，下面係一啲肉碎喺個撻皮度，但係個撻皮仍然保持鬆脆❣️三菇六耳餃細細隻好得意，圓轆轆完全做返一個菇菌類嘅外型，外表超薄，但係又好軟熟好有彈性，入面嘅菇菌類切成一啲細粒狀咬落仍然非常有口感，而且菇菌嘅味道非常濃郁❣️祝壽播桃上枱嘅時候，熱辣辣出晒煙
首先我哋去到門口，就已經感受到有層次，而且設計帶有神秘感，加上美感，淨係睇啲海鮮嘅魚缸能夠完美咁融合喺個設計入邊，就已經覺得好有心思。門口位置仲有一個圓形嘅裝飾位好適合同朋友影相留念。
說時遲那時快我同我朋友都已經好肚餓啦，我哋快快手坐低，就開始叫嘢食。我哋一共叫咗八樣食品。
❣️水晶蝦餃皇
面層有啲金色嘅裝飾，外面嘅皮又薄又煙靭，而且啲蝦好新鮮爽口彈牙
❣️石燒板麻辣羊肉烤包
上菜嘅時候好有儀式感啊，侍應會腍啲執上去，然之後個鐵板會吱吱作響，而且入面嘅麻辣香味唔會搶走咗外皮嘅香脆同埋啲肉汁嘅味道
❣️焗12頭鮑魚牛肝菌盞（隻）
上枱嘅時候就已經好氣派，有啲食用金箔喺面，下面係香菇，跟住就係大大隻嘅鮑魚，鮑魚入口好香冬菇味呀超濃香嘅冬菇汁，鮑魚入口彈牙，下面係一啲肉碎喺個撻皮度，但係個撻皮仍然保持鬆脆
❣️三菇六耳餃
細細隻好得意，圓轆轆完全做返一個菇菌類嘅外型，外表超薄，但係又好軟熟好有彈性，入面嘅菇菌類切成一啲細粒狀咬落仍然非常有口感，而且菇菌嘅味道非常濃郁
❣️祝壽播桃
上枱嘅時候，熱辣辣出晒煙，外面嘅麵包皮唔會因為蒸煮過來而有嗰種潮濕嘅感覺，乾爽得來仍然好軟熟，入邊嘅餡甜度適中，而且個蛋黃唔會太大
❣️黑天鵝荔芋酥
三隻黑色嘅天鵝，喺染咗綠色嘅椰絲上面，好似游緊水咁樣栩栩如生，非常優美。而且入口非常酥脆，連個天鵝嘅頭都係食得㗎，極盡心思。
❣️石獅黑麻糕
一對石獅子上枱，仿真度極高，我同朋友都好欣賞，佢嘅細緻到我用肉眼找不到任何挑剔嘅地方，入口嘅時候亦都品嚐到濃香嘅芝麻味，軟滑細膩
❣️啤梨川貝燉陳皮
啤梨散發着黃色嘅光芒，啤梨嘅肉質剛剛好，不會過淋或過硬，而且佢用咗川貝陳皮，非常潤喉，極之適合乾燥嘅冬天
茶水方面，亦都非常之有心思，茶壺下面有一個保溫蠟燭，令到整壺茶都保持住熱度
今次嘅用餐，非常愉快，而且環境舒適，服務周到，我哋食到後段嘅時候亦都提供餐紙巾以及牙籤，總體而言係滿意，而且會再帶朋友嚟用餐
💸每人平均消費 $450
張貼
