宴 尖沙咀

前晚去咗尖沙咀【宴】日式火鍋幫朋友慶祝生日，呢次試咗佢哋嘅火鍋套餐。個湯底有醬油湯同豬骨湯，醬油湯鹹香帶少少甜，豬骨湯就濃厚、味道好足，兩款都好適合火鍋食材方面，特選宮崎和牛肥瘦比例啱啱好，煮幾秒已經好嫩。松葉蟹肉質好鮮甜，煮耐少少都保持彈性，食落嚟有種清甜嘅味。日本豚肉係瘦肉較多，但唔會乾柴，煮熟咗都保持嫩滑。日本雞肉就比較結實，有口感，但唔會太硬，帶有雞肉嘅天然香味。刺身拼盤有三款刺身，魚生都好新鮮，入口即化，配埋少少酱料更加提鮮。時令野菜拼盤有唔同蔬菜，份量都幾足，烚完之後吸收咗湯底嘅味道，清新爽口。最後，日本米粥係用湯底煮嘅，軟糯得嚟好香濃，加上軟滑烏冬成餐飯食得好舒服，火鍋氣氛溫馨又輕鬆