FRITES Belgium on Tap (已搬遷) 新店位置

因為我公司係呢間餐廳附近 ，所以我黎呢頭番工短短兩個月已經第三次去呢間餐廳, 之前兩次感覺都好好，尋日再帶朋友黎食。同我嚟嘅朋友第一次去呢間餐廳，佢一點完餐，就話間餐廳裝修咁靚，以為會好貴，結果價錢都在打工仔合理範圍，佢話真係估唔到。我哋兩個都鍾意食素，尋日叫咗兩個素嘅漢堡包，啲肉係用豆豆打成， 配埋啲醬汁 ，都幾好食。我之前兩次都係坐對出嘅位置，比較嘈。今次坐入面，靜好多。Waiter waitress都係外國人，佢哋都好nice。喜歡靜靜地食飯傾偈嘅朋友，呢間餐廳都好適合。