宴 尖沙咀

我同我姐妹有陣冇食日本餐啦，我哋都好鍾意食日本餐。尋晚我哋就揀咗呢間日本餐廳食晚飯。呢度嘅裝修好有日本風，好靚。呢度有得單點同自助。我哋胃口唔大，當日就決定食單點。我哋點咗唔少餸，有雞肉串，上面仲有梅子醬。雞肉好嫩，煮得啱啱好，味道好正，越食越上癮。跟住叫咗炸豆腐，炸得好均勻，金黃色。外脆內嫩，非常唔錯。我哋仲點咗份甜品，睇落幾特別。入面有涼粉，仲加咗啲醋，食落幾特別。佢哋嘅魚卷配海膽都好唔錯，材料好新鮮。口感軟軟嫩嫩，食落好清爽。呢度嘅酒好特別，我點咗kura泡盛，呢種係日本傳統蒸餾酒，酒好烈，香氣好濃。我姐妹仲點咗支裝啤酒，啤酒味道比較清爽，啱哂配我哋點嘅餸。食物都好唔錯，我哋食得好開心。