餃掂手工餃子雲吞專門店

平時食飯食得多，悶悶地今晚就試吓食d平時好少食既嘢今晚同朋友係銅鑼灣睇吓找唔找到想食既嘢先，行行吓見到呢間想試好耐既食店居然在銅鑼灣開左分店就入去試吓先，一坐低未叫嘢食，侍應就送上一樽酸蘿蔔免費享用睇menu有很多唔同味道既餃子、雲吞、麵和前菜小食，我和朋友選左幾款餃子和前菜小食。在未有嘢食既時候，我哋就開樽酸蘿蔔來食，蘿蔔好爽，酸甜度啱啱好，越食越想食好開胃，正！餃子未整好有得食，就食住前菜小食先：黃金原味皮蛋，賣相好靚，晶瑩通透，入口好軟滑甘香回味手拍青瓜，入囗清新爽囗，香辣美味餃子終於送上，可以即刻試吓：至尊松茸豬肉餃（灼）跟狀元九鼎湯：有淡淡既松茸香味入囗皮薄豬肉餡唔覺肥膩，跟住試吓個狀元湯，唔覺味精味，飲落好潤喉暖胃元貝豬肉餃（煎）：煎餃比湯餃香脆可囗，但就比較熱氣，個皮煎得幾脆色澤金黃，咬開餃子都見到有d元貝絲韮菜豬肉餃（湯）跟狀元九鼎湯：味道適中，但我覺得韮菜味唔夠濃另外叫左兩杯，自家制山楂雪梨水（熱）：酸酸甜甜幾潤喉開胃，飲完解左食餃子既油膩和調味醬既辣度題外話，呢間店提供既：陳醋和辣椒醬幾好味下次唔想食飯，又可以再試吓其他款式餃子，真係幾好食。