京都勝牛 (AIRSIDE)

營業中

休息中

呢間日本牛肉餐廳環境精緻，牆身佈滿左傘形既裝飾，我地叫左一份四品牛魔御膳，呢款四品牛魔包括有翼板牛，菲力牛，穀飼西冷同醬味薄牛，每款牛肉既熟成度已經係3成熟，如果客人想再燒熟d就可以叫職員俾個爐我地自己再煮，可以話玩味十足。穀飼西冷仲配有特制既味噌醬汁去食增添左肉味既口感。另外幾款主要都係沾咖哩汁食既，現炸左既外皮香脆口感配濃郁既牛肉味，外脆內軟。另外，呢度新推出左既吞拿魚頰山芋丼，吞拿魚面頰好大片，刺身食法加炸到外脆既口感比想像中多同厚肉，營養十足，混埋黏黏口感既山芋同蛋食，好豐富既口感。Dessert:推介呢度既炸雪糕外脆內軟，外熱內軟雪糕岩岩好慢慢溶響口入面真係好正，好creamy，仲配有紅豆既粉嫩一齊擺入口，真係好好味。值得一讚，職員好有禮貌。